Lukas 18:8 - Ya Baru nga Tulag

⁸ Pudnu met ya ibagac dakayu, nga dagus nga tulungan ne̍ Apu Diyus diya toley na nga umaw-awag igina. Ngem nagan ya kunen nu? Nad no agparang ya Anac nga Naipatoley, kumaan ngata ya panamati diya toley nga madateng na nad idi nga lubung?” kunen na.

Lukas 18:8 Iomraidhean Croise

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

2 Pe̍dru 2:3

Ket dito mangisursuru ka busid, gapu iya kinaagum da ka kuwarta, gundawayan dakayu gapu kadiya busid nga kagkagi da. Ngem diyan nga toley, sigud nga nakasagana ya Mangukum igidan, orey itun pekkem. Ket bekken ngarud nga agtudtudug yan nga Mangdusa igida.