Lukas 18:7 - Ya Baru nga Tulag

⁷ Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da.

Lukas 18:7 Iomraidhean Croise

Matyu 24:22

Ket gapu iya nakaru nga panagrigat iyan nga timpu, pulus nga awan nad toley nga makalasat, no madi mapae̍teng ya kabayag na. Ngem nalaing lugud ta gapu iya panangipateg ne̍ Apu Diyus kadiya pinili na nga toley, ket pae̍tngen na nad ngarud ya kabayag na.

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 7:11

Ngarud, orey dakayu nga toley nga uwed kinadake̍c na, emmu nu met latta ya mange̍cde̍ ka nabaru kadiya anac nu. Ket no ya Ama nu nga uwed ka langit, di ngarud nangnangruna ya panange̍cde̍ na ka nabaru kadiya agadeng igina?

Lukas 11:13

Ngarud, orey dakayu nga toley nga uwed kinadake̍c na, emmu nu met latta ya mange̍cde̍ ka nabaru kadiya anac nu. Ket no ya Ama nu nga uwed ka langit, di ngarud nangnangruna ya panange̍cde̍ na iya Ispiritu Santu kadiya agadeng igina?” kunen na.

Lukas 2:37

Ket kalpasan niyan, nabalu mettin agingga nga uwed walu nga pulu ket eppat nga dagun nan. Ket kanayun nga uwed to bacbaket iya Te̍mplu, nga madi pumanpanawin, ket algew se̍ gabi ya panagsirsirbi na nga sidadayaw antuni iya panagkararag na se̍ panangitured na nga di mangan tasun isnup na ya agdaydayaw.

Lukas 21:28

Ket nad no mangrugi didi nga mapasamac, sitatalged kayu ngarud nga agsikad, ket lumangad kayu nga sinanama ngin, ta maemmuwan nu nad nga dandani yin ya pannakawayawaya nu,” kunen na.

Ruma 8:33

Ket no dactida nga pinili ne̍ Apu Diyus, emmu tida nga awan makapabasul dactida iya imatang ne̍ Apu Diyusin. Ta e̍ Apu Diyus met ya nangibilang dactida nga nalinteg iya imatang na.

Kulusas 3:12

Ket dakayu diya pinili ne̍ Apu Diyus, ket ibilang nakayu nga awan basbasul nun, se̍ patpatgen nakayu pe̍. Itu nga isaad nu kuma ngarudin iya beggi nu ya gangey nga naasi, naalumamay, napakumbaba, nasingpet se̍ naanus.

1 Te̍salunika 3:10

Ket orey algew-gabi, sipapasnec kami nga agad-adeng e̍ Apu Diyus nga no mabalin, agsisingen tida kuma manin, tasun an-anayan mi kuma ya orey nagan na nga pagkurangan pekkem iya panamati nu.

2 Te̍salunika 1:6

Ngem diya mangparparigat dakayu, ket balsen nad ne̍ Apu Diyus nga parigaten na da met, ata itu ya ibilang na nga kustu nga bales igida.

1 Timutyu 5:5

Ket ya tutu nga kackaasi nga balu nga awan nga pulus kabagiyan na nga makaistimar igina, e̍ Apu Diyus ngarud met ya pangnamnamaan na. Ket gabi-algew, sikakararag nga pe̍yeng, nga agpacpakaasi e̍ Apu Diyus.

2 Timutyu 1:3

Ikararagan naka nga pe̍yeng iya algew se̍ gabi, nga agyaman nac e̍ Apu Diyus gapu ikew. Ket igina ngarud ya pagsirsirbiyac ka nadalus nga nakem, nga agten mettas ito panagsirsirbi dito am-amac igina itun.

2 Timutyu 2:10

Itu nga anusac ngas ya orey nagan na, para kadiya pinili ne̍ Apu Diyus nga toley na. Agten ngarud iyan ya wanglec, tasun maisalakan da pe̍ gapu e̍ Kristu Je̍sus nga mangiraman igida iya pannakapadayaw na nga madi agpatingga.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

2 Pe̍dru 3:9

Itu ya madi maawatan diya duduma, ta uwed da mangipagarup nga naladaw ya Apu iya panangtungpal na ito nikari na. Ngem bekken met nga agten iyan, ta ya kinapudnu na, ipampamoya nakayu ngas nge̍ Apu Diyus. Ta di na gabay nga uwed mapukaw, no di lugud gabay na no agbabawi kuma diya amin nga toley.

Paltiing 18:20

Aganggem kayu ngarudin, dakayu nga taga-langit! Ngarud, aganggem kayu pe̍ yin, dakayu nga toley ne̍ Apu Diyus, agraman dakayu nga apustule̍s se̍ mammadtu! Aganggem kayu ngarud gapu iya napasamac iyan nga siyudad. Ta ya panangukum ne̍ Apu Diyus ito siyudad, itu met ya panangibales nan ito panangparigat nito siyudad dakayu!

Paltiing 6:10

Ket kinagi met dito kararuwa nga kinunen da ka nabileg, “Apu nga Mannakabalin, ikew ya awan basul na, se̍ napudnu! Nungey yin aya ya panangukum mu kadiya toltoley iya lubung, tasun maibales kuma ngin to pannakatey mi?” kunen da.

Paltiing 7:15

Ket iyan ya gapu na nga uwed da iya sangu niya trunu ne̍ Apu Diyus, ket algew-gabi, agsirsirbi da igina iya te̍mplu na. Ket ya agtugtugew iya trunu, salacniban na da gapu mettas iya kauwed na.