Lukas 18:43 - Ya Baru nga Tulag

⁴³ Ket sigida nga nakasingen nga tutu manin. Ket simurut e̍ Je̍susin, nga nagdaydayaw ngarud e̍ Apu Diyusin. Ket amin dito toltoley, ito nasingen da to napasamac, dinaydayaw da pe̍ nge̍ Apu Diyus.

Lukas 18:43 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 21:14

Ket itun, nawe̍ iya edyan ne̍ Je̍sus enna Te̍mplu diya kulap se̍ diya piley, ket pinalaing na da.

Matyu 9:8

Ket ito nasingen diya toltoley yan, uwed ngarud ansing dan, ket nidaydayaw da nge̍ Apu Diyus gapu iyan nga nakaskasdaaw nga pannakabalin nga nipaay na ka toley.

Lukas 13:17

Ket dito gimurgura e̍ Je̍sus antuni, napaalyew da met nga aminin gapu ito kinagi na. Ket dito toltoley nga naggigicna, naragsakan dan gapu kadiya adu nga nakaskasdaaw nga inar-ariman ne̍ Je̍sus.

Lukas 19:37

Ket ito nakadateng nge̍ Je̍sus ito dalan nga dadagusan iya Tageytey Ulibu, nga umad-adenni yin enna He̍rusale̍m, nagdaydayaw dito amin nga pasurut na nga siraragsac e̍ Apu Diyus. Nip-ipkaw da to panagdayaw da gapu kadito adu nga nakaskasdaaw nga banbanag nga nasingen da,

Lukas 4:39

Nawe̍ ngarud nge̍ Je̍sus nga nagdokot iya abay niya ida nito agsakit, ket pinaunay na met to dagang na. Ket nalaingan mettin. Ket to babey, sigida met nga bimangunin, ket nagistimar pe̍ ka para igidan.

Lukas 5:26

Napalaus met ya seddaaw dito amin nga toltoley. Ket nidaydayaw da ngarud nge̍ Apu Diyus, ket kinunen da nga siaansing, “Tutu met nga nakaskasdaaw didi nga nasingen tida ita nga algew,” kunen da.

Lukas 9:43

Ket nagseddaaw ngarud diya amin nga toltoley gapu iya dackel nga kinaturay ne̍ Apu Diyus. Ket itun, sapsaputen diya amin nga toltoley dito amin nga nakaskasdaaw nga inar-ariman ne̍ Je̍sus. Ket ito agsapsaput da pekkem, kinunen ne̍ Je̍sus kadito adalan na,

Aramid 11:18

Ket ito nagicna dito mamati nga Hudyu yan, awan met pangdellawan da e̍ Pe̍dru win, no di lugud nagdayaw da e̍ Apu Diyusin, nga kinunen da, “Agten iyan ngarudin, ta gabay ne̍ Apu Diyus ya mangipaay pe̍ ka pagbabawiyan diya bekken nga Hudyu, nga pakae̍cdan da ka biyag nga agnanayun,” kunen da.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Aramid 4:21

Ket pinanpansing da ngarud de̍ Pe̍dru manin, se̍ da nga winayawayaan dan. Awan emmu da nga pambar da nga mangdusa igida. Ta mansing da ngamin kadiya toltoley, gapu ta agdaydayaw da nga amin e̍ Apu Diyusin gapu ito pannakapabileg nito lugpi.

Galasiya 1:24

Dikad pe̍ nagyaman da nga sidadayaw e̍ Apu Diyus itun gapu iyaken.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.