Lukas 18:39 - Ya Baru nga Tulag

³⁹ Ngem dito toltoley nga manmanalan nga non-ona ngem kade̍ Je̍sus, nilbec da lugud to kulap, nga madi kuma kanu mamagas. Ngem nilallalu na lugud to nagpekkaw, nga kinunen na manin, “Kapututan nito Ari Dabid! Kaasiyan nac kay!” kunen na.

Lukas 18:39 Iomraidhean Croise

Matyu 7:7

“No uwed masapul nu, agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Matyu 8:26

Ket kinunen ne̍ Je̍sus igida, “Ape̍ mansing kayu? Nakapsut met ya panamati nu!” kunen na. Ket bimangun nge̍ Je̍sus, se̍ na met binilin to belluut se̍ palung nga agtalna da. Ket natalna met nga tutu ya aminin.

Matyu 9:27

Ket ito manmanalan manin nge̍ Je̍sus nga pimanaw iyan, uwed met duwa nga lalaki nga kulap nga nipuyut igina. Ket nipkaw da nga kinunen, “Kapututan nito Ari Dabid! Kaasiyan nakami kay!” kunen da.

Lukas 11:52

“Kackaasi kayu ngarud, dakayu nga mamasirib iya Linteg! Ta dakayu met ya nakagapu iya pannakaipac niya pannakaawat diya toltoley iya kinapudnu maipanggep e̍ Apu Diyus. Dakayu, madi nu met gabay nga ipateg ya kinapudnu. Ket dito mayat nga gennung nga mangipateg, madi nu da met palubusan,” kunen na.

Lukas 18:1

Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa.

Lukas 18:15

Ket uwed da toley itun nga nange̍lbe̍t pe̍ ka be̍be̍teng nga aanac da e̍ Je̍sus, tasun icman na da kuma. Ngem ito nasingen dito adalan na ya wangwanglen dito toley, nilbec da met dito nange̍lbe̍t.

Lukas 18:38

Ket to kulap, nipkaw na met nga kinunen, “Je̍sus nga kapututan nito Ari Dabid! Kaasiyan nac kay!” kunen na.

Lukas 18:40

Ket nagsardeng ngarud nge̍ Je̍sus, se̍ na pinalbe̍t to kulap iya edyan na. Ket ito nakaadenni yin, dinamag ne̍ Je̍sus igina nga kinunen na,

Lukas 19:39

Ket uwed da Parisiyu nga nailauc kadito adu nga toltoley itun. Ket diya duduma kadito Parisiyu, kinunen da e̍ Je̍sus, “Mistru, patalnaem man diya pasurut mu wi!” kunen da.

Lukas 8:49

Ket ito agkagkagi pekkem nge̍ Je̍sus, uwed inumbe̍t nga agpadamag, nga gayat iya baley ne̍ Hayru nga pangulu niya gigimungan diya Hudyu. Ket to agpadamag, kinunen na e̍ Hayru, “Natey yin ya anac mu. Orey madi ka tactaken ya Mistru win, a,” kunen na.

2 Kurintu 12:8

Ket name̍tlu win nga nikarkararag ku iya Apu tasun ipac na kuma yani nga sakit ku.