Lukas 18:32 - Ya Baru nga Tulag

³² Ta maiyawat antuni kadiya bekken nga Hudyu, ket mauyaw, se̍ maiyal-alyew, se̍ malutaban met pe̍.

Lukas 18:32 Iomraidhean Croise

Matyu 16:21

Ket manipud itunin, nipalpalawag ne̍ Je̍sus kadito adalan na nga masapul nga mawe̍ ka He̍rusale̍m. Ket antuni, aglak-am nad kanu ka adu nga rigat gapu kadito panglakayen se̍ dito pangpangulu diya agsirsirbi iya Te̍mplu se̍ dito manursuru iya Linteg. Masapul nad met pe̍ nga mapatey, ket mapaungar nad mettas iya maikatlu nga algew.

Matyu 20:19

Ket iya agten iyan, iyawat da nad ngarud met kadiya bekken nga Hudyu, tasun malais, se̍ masapsaplit ka latiku, se̍ mailansa nad met ka krus. Ket iya maikatlu nga algew, agungar nad mettas,” kunen na.

Matyu 22:6

Ket uwed da pe̍ duduma nga nangtekkem kadito tagabu, ket naalas met to winangel da igida, se̍ da pekkem pinatey.

Matyu 26:67

Ket linutaban da itun ya rupa ne̍ Je̍sus, se̍ dinanugdanug da pe̍. Ket tinungpa met diya duduma igida,

Matyu 27:2

Ket kalpasan nito panagtutulag dan, pinungu da ngarud nge̍ Je̍susin, se̍ da nipen iya edyan ne̍ Pilatu win, nga itu to gube̍rnadur, ket niyawat da iginan.

Markus 14:65

Ket diya duduma igida, linutaban da met nge̍ Je̍susin. Ket inamitngan da pe̍ yin, se̍ da nga dinandantug met nga kinagkagi da, “Padtuwam man no nagan ya nangdantug ikew!” kunen da met. Ket agten met pe̍ dito guwardiya ito inalac da, ket tinungtungpa da met pe̍.

Markus 15:1

Ito umagsapa ngin, nagiinnumanan dito pangpangulu diya agsirsirbi iya Te̍mplu, se̍ dito panglakayen diya Hudyu, se̍ dito manursuru iya Linteg, se̍ amin dito duduma nga kunse̍hale̍s. Ket kalpasan nito panagtutulag dan, pinungu da ngarud nge̍ Je̍susin, se̍ da nipen iya edyan ne̍ Gube̍rnadur Pilatu win, ket niyawat da iginan.

Lukas 18:33

Ket sapliten da nad ka latiku, se̍ da met patayen. Ket iya maikatlu nga algew, agungar nad mettas,” kunen na.

Lukas 23:1

Ket itun, amin dito pangpangulu nga naur-urnung iyan, nawe̍ da nipen nge̍ Je̍sus iya edyan nito Gube̍rnadur Pilatu.

Lukas 23:11

Ket de̍ He̍rude̍s se̍ dito suldadu na, linais da met nge̍ Je̍susin, se̍ nigalgalec da pe̍. Ket kalpasan na, pinakawwessan nito He̍rude̍s nge̍ Je̍sus ka napaw-is nga sutana ari, se̍ na pinaisoli ito Pilatu win.

Lukas 23:35

Ket uwed pe̍ diya toltoley nga nagsisikad iyan, nga nagbuybuya. Ket dito pangpangulu diya Hudyu, inuy-uyaw da nge̍ Je̍sus nga kinunen da, “Naisalakan na kanu met diya duduma. Ket no tutu nga igina ya Kristu nga pinili ne̍ Apu Diyus, ape̍ nga di na lugud isalakan ya beggi na mettasin?” kunen da.

Juan 18:22

Ket ito apaman nga naikagi ne̍ Je̍sus yan, tinungpa met niya isa kadito guwardiya nga uwed antuni, nga kinunen na e̍ Je̍sus, “Nih! Ape̍ nga agten iyan ya panagsungbat mu iya isa nga kangatuwan nga agsirsirbi iya Te̍mplu?” kunen na.

Juan 18:28

Ito ag-agsapa pekkem mas iyan mettas nga algew, nipanaw da nge̍ Je̍sus ito baley ne̍ Kaipas, ket nipen da iya palasiyu niya gube̍rnadur nga iRuma. Ngem dito Hudyu, madi da ginabay ya nimuneg ito palasiyu, ta kanyew igida. Ta no umuneg da iya baley niya isa nga bekken nga Hudyu, basta maiparit igidan ya makipadaya itun iya Padaya Nitatalib.

Juan 18:30

Ket dito Hudyu, kinunen da, “Madi kami met isangu ikew no bekken nga isa nga managbasul,” kunen da.

Juan 18:32

Ket diyan nga napasamac, itu to pannakatungpal nito kinagi ne̍ Je̍sus itun ito nibaga na no kumaan niya panangpatey da igina.

Juan 18:35

Ket kinunen ne̍ Pilatu, “Ape̍? Hudyu wac pe̍ aya? Diya kailiyam se̍ diya pangpangulu diya agsirsirbi iya Te̍mplu, ket nidarum daka met iyaken. Nagan kad ya winangel mu nga ipabasul da ikew?” kunen na.

Aramid 2:23

Ket iyan nga Je̍sus, gapu ta emmu itun ne̍ Apu Diyus ya mapasamac, nipalubus na ya pannakaiyawat na dakayu, ta itu ya panggep ne̍ Apu Diyus. Ket dakayu, nipapatey nu met, ata nipailansa nu kadiya managdacdake̍c ka krus.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.