Lukas 18:23 - Ya Baru nga Tulag

²³ Ngem nasnaayan lugud to pangulu ito nagicna na yan, ta bacnang met ngamin nga unay.

Lukas 18:23 Iomraidhean Croise

Matyu 19:22

Ngem ito nagicna nito lalaki yan, pimanaw lugudin nga silaladingit, ta bacnang met ngamin nga unay.

Markus 10:22

Ket ito nakagi ne̍ Je̍sus yan, narba met ya rupa nito lalaki yin, ket pimanaw lugudin nga silaladingit, ta bacnang met ngamin nga unay.

Lukas 12:15

Ket nituluy ne̍ Je̍sus nga kinunen igida nga aminin, “Agannad kayu ngarud, nga madi kayu mairaman ka orey nagan na nga kita kinaagum. Ta kinapudnu na, ya kaipapennan niya biyag niya toley, bekken met nga maigapu iya kinaadu niya sanicwa na,” kunen na.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Lukas 18:24

Ket e̍ Je̍sus, binubuteg na to pangulu, ket kinunen na, “Diya uwed kinabacnang da, narigat met nga makalak-am da nad iya panangituray ne̍ Apu Diyus!

Lukas 19:8

Ket enna baley ne̍ Sakiyu, ginumnukat nge̍ Sakiyu nga kinunen na iya Apu, “Agten idi nin ya wanglec kun, Apu: E̍cde̍c ya kagudduwa niya sansanicwac kadiya napanglaw. Ket ya orey nagan na nga sinikapac, ket mame̍npat met ya kaadu niya isolic igida,” kunen na.

Lukas 21:34

“Ket dakayu, agannad kayu ngarud, tasun madi kuma agkapsut ya panpanunut nu gapu iya nalabes nga pagragsakan idi nga lubung, winno gapu iya panage̍ng-e̍nglew, winno gapu iya pakasikuran maipanggep iya panagbiyag nu. Ta no agten iyan, bekken kayu nad nga nakasagana, ket pakakigtutan nu nad met ya panagparang niyan nga timpu win.

Lukas 8:14

Ket dito bukel nga nagdessag iya karuutan nga uwed rasi na, itu diya maiyarig kadiya toley nga makagicna iya kagi ne̍ Apu Diyus, ngem maabac ya pannakabalin na igida, gapu kadiya pakasikuran da, se̍ gapu iya panangtarigagay da ka kinabacnang se̍ pakaragsakan da. Itu nga arig da nga bisic nga madi agmayan.

E̍pe̍su 5:5

Ta emmu tida met nga amin diya makikamalala, se̍ diya naalas ya panpanunut da, se̍ diya naagum, ket madi da ngarud mairaman nga makipagtawid kadiya iturayan de̍ Kristu nge̍ Apu Diyus. Diya naagum kunec, ta ya aguman da, ket agbalin nga arig nga diyus da nga daydayawen da.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

Kulusas 3:5

Dikad pe̍ isardeng nu ngarudin diya dake̍c nga tarigagay nga agtaud das iya lubung. Itu ya arig nga patayen nu diya amin nga nailubungan nga ganggangey nun, nga agten iya pannakikamalala, se̍ diya naalas nga panpanunut, se̍ diya nakal-alyew nga tarigagay se̍ ricricna niya beggi, se̍ ya panagagum pe̍. Ta ya aguman toley, ket agbalin nga arig nga diyus da nga daydayawen da.

1 Juan 2:15

Madi kayu kuma ipateg diya dake̍c nga ugali winno kukuwa nga uwed idi nga lubung. Ya toley nga mangipateg kadidi, ket madi na ipateg ya Ama.