Lukas 18:20 - Ya Baru nga Tulag

²⁰ Ket no maipanggep ito saludsud mu, emmum met dito bilbilin ne̍ Apu Diyus: ‘Madi ka makitipun ka bekken mu nga asawa, madi ka pumatey, madi ka agtakew, madi ka mangpabasul nga sibubusid, se̍ dayawem ya amam se̍ ya inam,’ kunen na kadito bilbilin,” kunen ne̍ Je̍sus.

Lukas 18:20 Iomraidhean Croise

Lukas 18:19

Ket kinunen ne̍ Je̍sus igina, “Ape̍ kunem nga nalinteg gac? Awan met nalinteg, no di yas e̍ Apu Diyus.

Lukas 18:21

Ket to pangulu, kinunen na, “Manipud pekkem ito kaebbing ku, tungtungpalec met amin diyan nga bilbilin,” kunen na.

Ruma 13:9

Ta diya bilbilin nga naisurat iya Bibliya, agten kadito bilbilin nga kunen na, “Madi ka makitipun ka bekken mu nga asawa, madi ka pumatey, madi ka agtakew, madi ka agagum,” se̍ orey nagan na nga duduma nga bilin, ket madagup da nga amin idi nga is-isa nga bilin: “Ayatem ya padam nga toley nga agten mettas iya panagayat mu iya beggim.”

Ruma 3:20

Itu nga awan toley nga mapalinteg iya imatang ne̍ Apu Diyus gapu iya panagtungpal na iya Linteg. Ta ya Linteg, itu mettas ya mangipakaemmu dactida kadiya basbasul tida.

E̍pe̍su 6:2

Ta uwed met to bilin ne̍ Apu Diyus maipanggep iyan, ket itu ya nona nga bilin na nga napabulunan ka kari, nga kunen na, “Dayawem ya amam se̍ ya inam,

Kulusas 3:20

Ket dakayu nga an-anac, managtungpal kayu kadiya naganac dakayu iya orey nagan na, ta itu ya makaay-ayu e̍ Apu Diyus.