Lukas 18:14 - Ya Baru nga Tulag

¹⁴ “Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.

Lukas 18:14 Iomraidhean Croise

Matyu 23:12

Ta ya orey nagan na nga mangipadayaw iya beggi na, ket maipababa nad met. Ket ya agpakumbaba, maidayaw nad met nga gennung.”

Matyu 5:3

“Nagasat diya mangipudnu iya kinakurang da maipanggep e̍ Apu Diyus, ta uwed met igida ya panangituray niya Nailangitan.

Lukas 1:52

Nipababa pe̍ ne̍ Apu Diyus ya saad diya agtuturay. Ket no diya toley nga napakumbaba nga gennung, itu didi diya nipangatu na ya kasasaad da.

Lukas 10:29

Ngem to masirib iya Linteg, gabay na nga ikalinteggan latta ya beggi na, itu nga nagsaludsud manin e̍ Je̍sus nga kinunen na, “Bo a, ngem nagan na kuma ya naibilang nga kapadac?” kunen na.

Lukas 14:11

Ta ya kinapudnu na, diya amin nga mangipadayaw iya beggi da, maipababa da nad met. Ngem ya agpakumbaba, maidayaw nad met nga gennung,” kunen na.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Ruma 3:20

Itu nga awan toley nga mapalinteg iya imatang ne̍ Apu Diyus gapu iya panagtungpal na iya Linteg. Ta ya Linteg, itu mettas ya mangipakaemmu dactida kadiya basbasul tida.

Ruma 4:5

Ngem bekken met nga agten iyan ya toley nga maibilang nga nalinteg iya imatang ne̍ Apu Diyus. Ta ya ibilang ne̍ Apu Diyus nga nalinteg, ket bekken nga ya toley nga mangpadas nga mangay-ayu igina gapu kadiya wanglen na, no di lugud ya toley nga mamati ngas igina. Ya panamati ngas niyan nga toley ya gapu na nga ibilang ne̍ Apu Diyus yan nga toley nga nalinteg iya imatang na. Ket e̍ Apu Diyus, ugali na met ya mangibilang ka nalinteg iya toley nga bekken nga sigud nga nalinteg iya imatang na.

Ruma 5:1

Ket ita, gapu ta napalinteg tidan iya imatang ne̍ Apu Diyus gapu iya panamati tida, ket uwed met pannakaitunus tidan e̍ Apu Diyus gapu ito inariman niya Apu tida nga Je̍su Kristu.

Ruma 8:33

Ket no dactida nga pinili ne̍ Apu Diyus, emmu tida nga awan makapabasul dactida iya imatang ne̍ Apu Diyusin. Ta e̍ Apu Diyus met ya nangibilang dactida nga nalinteg iya imatang na.

Galasiya 2:16

Ngem orey dakami nga naiyanac nga Hudyu, emmu mi met nga awan toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg nito Muyse̍s, no di lugud gapu was iya panamati na e̍ Je̍su Kristu ya pannakapalinteg na. Itu nga dakami nga Hudyu, namati kami met pe̍ e̍ Kristu Je̍sus, tasun gapu iya panamati mi e̍ Kristu, ibilang nakami nge̍ Apu Diyus nga nalinteg gin iya imatang na. Ket ya pannakapalinteg mi, bekken met nga gapu iya panagtungpal mi iya Linteg ne̍ Muyse̍s. Ta awan met toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg.

Santiyagu 4:10

Agpakumbaba kayu kuma iya imatang ne̍ Apu Diyus. Ket iya agten iyan, pangatuwen ne̍ Apu Diyus diya kasasaad nu.

Santiyagu 4:6

Ngem nalaing lugud ta dacdackel ya siaayat nga asi ne̍ Apu Diyus ngem iya kinadake̍c diya nakem tida. Itu pe̍ yan ya kunen na iya Bibliya nga, “Kakuntra ne̍ Apu Diyus diya agpasindayaw. Ngem diya agpakumbaba nga umadenni igina, itu diya kaasiyan na nga siaayat,” kunen na met.