Lukas 18:13 - Ya Baru nga Tulag

¹³ “Ngem to agsingsingir ka buis nga gennung, nagsikad ngas iya nabay-at. Ket di orey limangad, no di lugud dinandantug na ya barukung na nga nagbabawi, nga kinunen na, ‘Apu Diyus, kaasiyan nac kay, ta managbasul lac met,’ kunen na.

Lukas 18:13 Iomraidhean Croise

Matyu 10:3

de̍ Pe̍lipe̍ nge̍ Bartulume̍, e̍ Tumas se̍ e̍ Matyu nga agsingsingir ka buis, se̍ e̍ Santiyagu nga anac ne̍ Alpiyu, se̍ e̍ Tadyu,

Matyu 6:5

“Ket no agkararag ka, madi ka kuma pe̍ tultuladen diya aginsisingpet. Ta magustuwan da ya agkararag nga nakasikad kadiya gigimungan se̍ kadiya paguurnungan toley kadiya kalkalsada, tasun masingen diya toley da. Pudnu met nga itu wasin ya gun-guna dan.

Matyu 9:13

Ket no dakayu, masapul met nga maadal nu ya kaipapennan nidi nga naisurat iya Bibliya nga kunen na, ‘Bekken nga ya panangidatun ka animal ya paggugustuc, no di lugud ya panangaasi.’ Maawatan nu kuma ngarud ya kaipapennan niyan, ta agten met pe̍ iyaken, nga ya numbe̍tac, bekken met nga tasun awisec diya nalinteg nga toley, no di lugud diya managbasul,” kunen na.

Markus 11:25

Ket tunggal agsikad kayu nga agkararag e̍ Apu Diyus, no uwed pekkem iyung-ungit nu iya kapada nu, ket pakawanen nu kuma ngarudin, tasun ya Ama nu nga uwed ka langit, pakawanen nakayu pe̍ kadiya basbasul nu.

Lukas 17:12

Ket ito sumungsungadin iya isa nga baryu antuni, uwed da simabet igina nga sangapulu nga lalaki nga nakutel. Nagsardeng da ito nabay-at da pekkem mas e̍ Je̍sus,

Lukas 22:41

Ket binay-atan na da ka e̍teng, se̍ nagparintumeng nga nagkarkararagin.

Lukas 23:48

Ket amin dito toltoley nga naur-urnung nga nagbuybuya, nasingen da met pe̍ to napasamac. Ket nagawir dan nga nangdandantugin iya barukung da gapu iya ladingit da.

Lukas 5:8

Ket nadlaw ngarud nito Simon Pe̍dru ya banag nito napasamac, itu nga nagparintumeng ngarud iya sangu ne̍ Je̍sus, nga kinunen na, “Adeyyuwan nac kay Apu, ta managbasul lac ngas met,” kunen na.

Aramid 2:37

Ket ito nagicna dito toley to kinagi ne̍ Pe̍dru, linumdaang da. Itu nga kinunen da e̍ Pe̍dru se̍ kadito duduma nga apustule̍s, “Wawagi, nagan ngarud ya wanglen min?” kunen da.

Ruma 5:8

Ngem no e̍ Apu Diyus nga gennung, nipasingen na nga nalaing ya ayat na dactida. Ta ito sibabasul tida pekkem, natey met nge̍ Kristu para dactida itun.

2 Kurintu 7:11

Ket no dakayu, lemlemtan nu lugud ya nabaru nga nagbanagan nu iyan nga panagleddaang nu, ta inusar met ne̍ Apu Diyus para dakayu. Ta gapu ito panagleddaang nu, agpasnec kayun iya panamati nu, se̍ napasnec kayu pe̍ nga nangipalinteg kaditun nga basbasul, se̍ napalaus to unget nu maigapu kadiyan. Napalaus met pe̍ to ansing nu gapu kadiyan, se̍ napasnec pe̍ to panagsingpet nu iyaken, se̍ to kinagaed nu. Napasnec kayu met nga mangdusa ito nakabasul. Ket gapu ka amin diyan nga winangel nun, nipanecnec nu met nga awan nga tutu pakairamanan nu itun nga dake̍c.

1 Timutyu 1:15

Tandaanam kuma yani nga ibagac, ata pudnu met yani, se̍ gabay ku no awan kuma madi mamati iya amin nidi: Inumbe̍t nge̍ Kristu Je̍sus idi nga lubung tasun isalakan na diya uwed basul da. Ket iyaken met ya kadake̍kan iya amin!

He̍briyu 4:16

Dikad pe̍ agtalged tida kuma nga umadenni ngarudin iya edyan ne̍ Apu Diyus nga pagtaudan niya siaayat nga panangaasi nga ipaay na dactida. Umadenni tida kuma ngarud, tasun kaasiyan nactida, se̍ tasun tulungan nactida kuma pe̍ gapu iya siaayat nga asi na dactida no uwed kasapulan tida.

He̍briyu 8:12

Ta pakawanec nad ngarud diya dake̍c nga winangwangel da, ket madic nad pe̍ laglagipen nin diya basbasul da,’” kunen na.