Lukas 18:12 - Ya Baru nga Tulag

¹² Ta iyaken, mame̍nduwa iya unus makalawas, nga agdayaw wac met ikew, nga an-anusac ngarud ya madi mangan. Ket e̍cde̍c met pe̍ nga maipaay ikew ya apagkapullu niya amin nga masapulac,’ kunen na.

Lukas 18:12 Iomraidhean Croise

Matyu 5:20

Ta pudnu met nga madi mabalin nga makalak-am kayu kadiya iturayan niya Nailangitan, no bekken nga napudpudnu ya kinalinteg nu ngem iya kinalinteg diya manursuru iya Linteg se̍ diya Parisiyu.”

Matyu 6:1

“Agannad kayu, tasun bekken nga pammasingen nas kadiya toley ya panagwangel nu ka nalinteg. Ta no agten iyan nas ya gapu niya panagwangel nu ka nalinteg, ket awan lugud gun-guna nu nga e̍cde̍ niya Ama nu nga uwed ka langit.

Matyu 6:16

“Ket no uwed kari nu gapu iya pammati nu, nga mangiparit iya beggi nu nga mangan, singen nu tasun madi kuma mad-adlaw iya langa nu ya panaganus nu, nga agten iya gangey diya aginpapasnec. Ta pasabaliyen da ya langa diya rupa da, tasun masingen diya toley ya panaganus da nga madi mangan. Ket pudnu met nga itu wasin ya gun-guna dan.

Matyu 6:5

“Ket no agkararag ka, madi ka kuma pe̍ tultuladen diya aginsisingpet. Ta magustuwan da ya agkararag nga nakasikad kadiya gigimungan se̍ kadiya paguurnungan toley kadiya kalkalsada, tasun masingen diya toley da. Pudnu met nga itu wasin ya gun-guna dan.

Matyu 9:14

Uwed itun dito adalan ne̍ Juan nga Mammautisar, nga nawe̍ e̍ Je̍sus, nga kinunen da igina, “Ape̍ kadi nga dakami se̍ diya Parisiyu, ket emmu mi ya agariman ka kari nga aganus nga madi mangan, ngem diya adalan mu nga gennung, madi da arimanen ya agten iyan?” kunen da.

Lukas 11:42

“Ngem kackaasi kayu nad ngarud, dakayu nga Parisiyu! Ta nalaing kayu met nga mangipaay ka apagkapullu e̍ Apu Diyus, orey kadiya pagrikadu nga rucruut nga me̍nta se̍ ruda, se̍ diya natnateng pe̍. Ngem madi nu met laglagipen ya nalinteg nga panagbiyag, se̍ ya panagayat e̍ Apu Diyus. Ket tutu nga rebbeng nu nga tungpalen diyan, ket masapul pe̍ nga madi nu kuma pe̍ liwayan dito duduma nga rebbeng nu.

Lukas 17:10

Ket agten kayu kuma pe̍ iyan. Ta no natungpal nun amin nga naibilin dakayu, kunen nu kuma pekkem, ‘Bekken kami met nga nadayaw nga agsirsirbi, ta pagrebngan mi ngas met ya winangel mi,’ kunen nu kuma.”

Ruma 3:27

Dikad pe̍ madi tida met mabalin ya agpasindayaw maipanggep iya pannakaibilang tida nga nalinteg. Ngarud, awan pagpasindayaw tida, ta bekken nga ya panangtungpal tida iya Linteg ya gapu niya pannakaibilang tida nga nalinteg, no di lugud ya panamati tida ngas ya gapu na.

1 Kurintu 1:29

Agten iyan ngarud ya winangel ne̍ Apu Diyus tasun awan toley nga makapagpasindayaw iya imatang na.

Galasiya 1:14

Ket no maipanggep kadiya kataeg gac itun nga kailiyac, inabac ku da itun iya panangtungpal ku iya pammati mi nga Hudyu, ta nipasnec ku nga unay ya panangtungpal ku kadito ug-ugali dito am-ama mi.

E̍pe̍su 2:9

Ta no mabalin tida nga maisalakan kuma gapu was iya winangel tida, mabalin nga uwed pagtangsit tida. Ngem bekken met nga agten iyan.

1 Timutyu 4:8

Ta agten idi: Nalaing ngarud no iruwam tida ya beggi tida ka panagwatwat, ngem napatpateg lugud no ya panangay-ayu tida e̍ Apu Diyus ya pabilgen tida. Ta ya panangay-ayu e̍ Apu Diyus, agsirbi kadiya amin nga banbanag, nga uwed met sirbi na idi nga biyag tida ita, se̍ uwed met pe̍ sirbi na iya maikadduwa nga biyag pe̍ iya maadpangan.