Lukas 17:6 - Ya Baru nga Tulag

⁶ Ket kinunen niya Apu, “No uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga dackel nga kayu nga sikumuru nga kunen nu, ‘Bagsutem ya beggim, ket imulam mettas iya baybayin,’ kunen nu, ket agtungpal met dakayu,” kunen na.

Lukas 17:6 Iomraidhean Croise

Matyu 14:29

Ket kinunen met ne̍ Je̍sus, “Umbe̍t ka ngarudin!” kunen na met. Ket dinumsag ngarud nge̍ Pe̍dru ito bangka ngin, ket manmanalan met iya sap-ew nito danum nga mawe̍ e̍ Je̍sus.

Matyu 17:20

Ket kinunen na igida, “Gapu ta nakapsut ngas ya panamati nu. Pudnu met nga no uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga tageytey nga kunen nu, ‘Agalis ka manipud idi nga mawe̍ ka ituni,’ kunen nu kuma, ket agalis met. Ket iya agten iyan, awan met pulus nga madi nu mabalinan.

Matyu 21:21

Ket kinunen ne̍ Je̍sus igida, “Kinapudnu na, no sipapati kayu nga awan panagduwaduwa nu, mabalin nga arimanen nu pe̍ ya agten idi nga inariman ku iya kayu nga igus si. Se̍ bekken nas nga iyan, no di lugud mabalin nu pe̍ nga bilinen yani nga tageytey, nga kunen nu, ‘Maiyalis ka nga maipisuc iya baybayin,’ kunen nu kuma, ket maariman met nga tutu.

Markus 4:31

Ya panangituray ne̍ Apu Diyus, maiyarig iya isa nga bukel niya kayu nga mustasa nga nimula toley, nga itu ya katekkutan nga bukel idi nga lubung.

Markus 9:23

Ket kinunen ngarud ne̍ Je̍sus igina, “Ape̍ nga kunem nga, ‘No uwed kabaellam’? Ta ya kinapudnu na, awan met di mabalinan para iya toley nga mamati,” kunen na.

Lukas 13:19

Ya panangituray ne̍ Apu Diyus, maiyarig iya isa nga tekkut nga bukel niya kayu nga mustasa, nga nimula niya isa nga toley iya minuyungan na. Ket timubu to tekkut nga bukel, se̍ dimackel agingga nga nagbalin nga dackel nga kayu win, ket nagsucbutan met diya sibud diya sangsanga nan,” kunen na.

Lukas 17:7

Ket kinunen manin ne̍ Je̍sus, “Kaspagarigan ta ya isa dakayu, ket uwed tagabu na nga pagar-araduwen na, winno pagay-aywanen na ka karne̍ru. Ket no sumpuc ya tagabu nga gayat iya nagtarabakuwan na, madi ka met kunen igina, ‘Kan, umbe̍t ka ngarud manganin.’

Lukas 19:4

Itu nga nanagtag nga limiwan kadito adu nga toltoley, nga nawe̍ imune̍c iya isa nga kayu nga sikumuru, tasun masingen na nge̍ Je̍sus, ta tumalib iyan.

Lukas 7:13

Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus,

Lukas 7:19

ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.

1 Kurintu 13:2

Agten pe̍ no nalaing ngac kuma nga mangasaba, se̍ no uwed kuma pe̍ iyaken ya pannakabalin nga makaawat kadiya amin nga banbanag nga di pekkem naipacpakaemmu ka toley, se̍ orey no uwed kuma iyaken ya pannakaawat kadiya amin nga banbanag, se̍ no awan kuma nga pulus pagkurangac iya panamatic, tasun makaiyalis sac kuma ka tageytey gapu mettas iya nabileg nga panamatic, ket awan met latta sirsirbic, no bekken nga maidanggay didi ka ayat ku.