Lukas 17:30 - Ya Baru nga Tulag

³⁰ Ket agten nad pe̍ iyan no timpu niya panagparang niya Anac nga Naipatoley.

Lukas 17:30 Iomraidhean Croise

Matyu 16:27

Agten iyan ngarud, ta agparang nad ya Anac nga Naipatoley nga maibulun pe̍ igina diya anghe̍le̍s na, ket madaydayaw nad mettas gapu iya panangipadayaw niya Ama na igina. Ket itu nad ya panangsupapac na kadiya toltoley yin maikanatad kadiya winangel niya tunggal isa.

Matyu 24:3

Ket ito nagtugtugew nge̍ Je̍sus enna Tageytey Ulibu, awan diya kaaduwanin. Ket imadenni igina dito adalan, nga kinunen da igina, “Ibagam kay dakami no nungey nad nga madatngan yan nga timpu nga kinunem, se̍ no nagan nad ya pakalasinan iya umbe̍t mu manin se̍ ya panagpatingga nidi nga timpu,” kunen da.

Matyu 24:37

“Ket no kumaan to kasasaad dito toltoley ito timpu nito Nue̍ itun, ket agten nad met iyan ya kasasaad diya toltoley iya timpu nad niya umbe̍t niya Anac nga Naipatoley.

Matyu 24:39

Ket dito toltoley itun, madi da met nalasin to timpu. Ket pagamwan da, uwed met to layusin, ket naiyoloy da nga aminin. Ket agten met iyan, nad no umbe̍t ya Anac nga Naipatoley.

Matyu 26:64

Ket kinunen ne̍ Je̍sus igina, “Nakagi mun. Ket bekken nas nga iyan, ta pudnu met pe̍ nga manipud ita nga timpu, masingen nu ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu pe̍ nga umbe̍t nad manipud iyan, nga nakasakey kadiya ulep nga gayat ka langit,” kunen na met.

Markus 13:26

Ket iyan nad nga timpu win, masingen nad met diya toltoley ya Anac nga Naipatoley nga umbe̍tin, nga uwed nad kadiya ulep. Ket maipasingen nad ngarud diya nakaskasdaaw nga pannakabalin se̍ kinadayaw na.

Lukas 17:24

Ta ya panaggundaway nad niya Anac nga Naipatoley, nawada nad met nga arig nga panaggilap niya kilawet nga wadaan na ya abac lawa manipud iya isa nga bangir agingga iya sabali nga bangir.

Lukas 17:29

Ngem ito algew nga panagtalew nito Lot ka Suduma, uwed met apuy se̍ burbura nga asupre̍ nga niterkag nga gayat ka ngudu. Ket itu ya nangpukaw igida nga amin.

Lukas 21:22

Ta itu yan ya timpu nad nga pannakadusa diya toltoley, tasun matungpal amin nga naisurat iya Bibliya maipanggep iyan nga timpu.

Lukas 21:27

“Ket iyan nad nga timpu win, masingen nad met diya toltoley ya Anac nga Naipatoley nga umbe̍tin, nga uwed nad iya ulep. Ket maipasingen nad ngarud ya pannakabalin na se̍ ya nakaskasdaaw nga kinadayaw na.

1 Kurintu 1:7

Itu nga awan pagkurkurangan nu kadiya ikaasi ne̍ Apu Diyus, bayat niya panagpadaan nu iya pannakaiparang manin niya Apu tida nga Je̍su Kristu.

1 Kurintu 1:8

Ket igina mettas ya mangpabaked iya panamati nu, tasun awan pakaukuman nu no madatnganin ya Timpu niya Apu tida nga Je̍su Kristu.

Kulusas 3:4

Ket nad no agparang manin nge̍ Kristu nga pagtaudan mettas nidi nga biyag nu, ket maiparangarang kayu nad pe̍ iginan, nga itu nad ya pannakairaman nu iya pakaidayawan nan.

2 Te̍salunika 1:7

Ngem dakayu nga maparparigat, pagnam-ayen nakayu nad met, agten pe̍ iya pamaay na dakami. Mapasamac nad didi no agparang nge̍ Apu Je̍sus nga gayat ka langit. Ibulun na nad diya anghe̍le̍s na nga mae̍cdan ka pannakabalin.

1 Pe̍dru 1:13

Itu nga pabilgen nu ngarud ya panpanunut nu, se̍ tanangen nu met pe̍ ya panagpanpanunut nu. Ket isnup nu kuma ngas ya panangnamnama nu iya siaayat nga pakaasiyan nu nad no madatngan ya panagparang ne̍ Je̍su Kristu.

1 Pe̍dru 1:7

Ket iya agten iyan, maiyarig ka balituc ya panamati nu. Ta ya balituc, mailunag ka apuy tasun maipac diya dake̍c na. Ket iya agten iyan, maemmuwan nga bicbiig nga balituc kin. Ngem ya balituc, uwed pannakapirdi na nga bekken nga agten iya panamati nu nga madi agpatingga. Napatpateg ngarud ya panamati nu ngem iya balituc, ket mapanecnekkan ya kinapudnu na gapu kadiya an-anus nu kadiya pakaparparigatan nu. Ket iya agten iyan, agbanag ya panamati nu ka pakaraemman, pakaidayawan se̍ pakapatgan nu nad iya panagparang ne̍ Je̍su Kristu.

1 Pe̍dru 4:13

Aganggem kayu lugud no uwed pagrigatan nu, ta naibilang kayu nga makipagrigat e̍ Kristu win. Ket iya agten iyan, maragsakan kayu nad pe̍ nga unayin iya pannakaidaydayaw na.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

1 Juan 3:2

Patpatgec nga kakabsat, an-anac nactida ngarud nge̍ Apu Diyusin. Ngem orey an-anac nactidan, bekken pekkem nga naipakaemmu dactida no kumaan nad niya pagbanagan nidi nga kasasaad tida. Ngem emmu tida nga no agparang nad manin nge̍ Kristu idi nga lubung, agbalin tida met nga agten igina. Ta no masingen tida, nalawag nad dactidan ya kinapudnu maipanggep igina.

Paltiing 1:7

Lemlemtan nu yani, ta umbe̍t manin nge̍ Je̍sus nga male̍cbut ka ulep. Ket masingen nad met niya tunggal isa nga toley, agraman dito nangdoyoc igina. Ket berritan nad met diya toltoley nga uwed kadiya amin nga pagpagiliyan iya lubung ngi. Matungpal met nga tutu yan. Agten iyan ngarudin!