Lukas 17:26 - Ya Baru nga Tulag

²⁶ “Ket no kumaan to kasasaad dito toltoley ito timpu nito Nue̍ itun, ket agten nad met iyan no madatngan ya timpu niya Anac nga Naipatoley.

Lukas 17:26 Iomraidhean Croise

Lukas 17:22

Ket kinunen na kadito adalan na, “Umbe̍t nad ya timpu nga matoran kayu nga makadateng kuma iya timpu niya Anac nga Naipatoley, orey no malak-aman nu ya isa kuma ngas nga algew niyan nga timpu. Ngem pulus nga madi kayu nad pekkem malak-aman.

Lukas 17:24

Ta ya panaggundaway nad niya Anac nga Naipatoley, nawada nad met nga arig nga panaggilap niya kilawet nga wadaan na ya abac lawa manipud iya isa nga bangir agingga iya sabali nga bangir.

Lukas 17:27

Ta ito sacbay nito algew nga imuneg de̍ Nue̍ ito daung, nitultuluy ngas met dito toltoley to winangwangel da nga nangnangan, se̍ nagin-inum, se̍ nagaasawa. Ket pagamwan da, uwed met to layusin, ket itu ya nangpukaw igida nga aminin.

Lukas 17:7

Ket kinunen manin ne̍ Je̍sus, “Kaspagarigan ta ya isa dakayu, ket uwed tagabu na nga pagar-araduwen na, winno pagay-aywanen na ka karne̍ru. Ket no sumpuc ya tagabu nga gayat iya nagtarabakuwan na, madi ka met kunen igina, ‘Kan, umbe̍t ka ngarud manganin.’

Lukas 18:8

Pudnu met ya ibagac dakayu, nga dagus nga tulungan ne̍ Apu Diyus diya toley na nga umaw-awag igina. Ngem nagan ya kunen nu? Nad no agparang ya Anac nga Naipatoley, kumaan ngata ya panamati diya toley nga madateng na nad idi nga lubung?” kunen na.

He̍briyu 11:7

Ket to Nue̍ pe̍, gapu ta uwed panamati na, tinungpal na to bilin ne̍ Apu Diyus ito nilawag ne̍ Apu Diyus igina ya maipanggep kadiya banbanag iya maadpangan nga di na pekkem nas-asingen. Tinungpal ngarud nito Nue̍ nga situtudyu, ta inariman na to daung nga nakaisalakanan da nga sangapamilya ito layus. Ket gapu ito panagtungpal na nga situtudyu, naipakaemmu itun nga uwed met pakaukuman diya uwed idi nga lubung. Ket to Nue̍, gapu ta uwed panamati na, nibilang ne̍ Apu Diyus nga nalinteg.

2 Pe̍dru 2:5

Agten iyan pe̍ kadito nona nga toley idi nga lubung, ta madi da pe̍ nakalisi itun, ito linayus ne̍ Apu Diyus ya ginet nga pagedyanan dito toley nga madi agdayaw igina. Ito Nue̍, nga nangipakaemmu iya kinalinteg nga gabay ne̍ Apu Diyus, se̍ dito pitu nga kabulun na, igida ngas diya nisalakan ne̍ Apu Diyus ito layus.

2 Pe̍dru 3:6

Ket danum met pe̍ ya inusar ne̍ Apu Diyus nga nangpukaw kadito parsuwa na nga uwed iya lubung, ito linayus na da itun.