Lukas 17:21 - Ya Baru nga Tulag

²¹ Awan pe̍ mangunen nad nga, ‘Kad yani, uwed idi nin!’ winno kunen da nga, ‘Uwed ennan nin!’ Ta kinapudnu na, ya panangituray ne̍ Apu Diyus, ket uwed mettas dakayu,” kunen na.

Lukas 17:21 Iomraidhean Croise

Matyu 12:28

Ket no gapu iya Ispiritu ne̍ Apu Diyus ya panangpatalew ku ka sairu, itu mettin ya mangipanecnec dakayu nga nadatngan dakayu nga tutu win ya panangituray ne̍ Apu Diyus.

Markus 13:21

“Ket iyan nga timpu, no uwed nad agkunen dakayu nga, ‘Singen nu, itu yani nin ya Kristu!’ winno kunen da nad nga, ‘Singen nu, uwed antuni nin!’ kunen da nad dakayu, ket madi kayu kuma patpatiyen.

Lukas 17:23

“Ket uwed da nad agkunen dakayu nga, ‘Kad tuni! Ituni nin ya sapsapulen nu!’ Winno kunen da nad nga, ‘Kad yani! Itu yani nin ya sapsapulen nu!’ kunen da nad dakayu. Ngem madi nu da kuma ikasu, se̍ di nu da met suruten.

Lukas 21:8

Ket kinunen ne̍ Je̍sus, “Agannad kayu ngarud, tasun madi kayu kuma paiyaw-awan maipanggep iyan nga timpu. Ta adu nad diya agparang nga agkunen nga igida kanu ya iyaken, nga kunen da nad nga, ‘Iyaken nge̍ Kristu!’ winno kunen da nga, ‘Dandani yin yan nga timpu!’ kunen da nad met. Ngem madi nu lugud suruten da.

Juan 1:26

Ket simungbat to Juan nga kinunen na, “No iyaken, danum ya pamautisar ku. Ngem uwed makibulubulun dakayun nga isa nga madi kayu met malasin.

Juan 18:36

Ket kinunen ne̍ Je̍sus, “Ya panangituray ku, bekken nga tumaud idi nga lubung. Ta no iya lubung ngi kuma ya pagtaudan na, makigubat ngarud diya pasurut ku tasun bekken nac nga maiyawat kadiya pangpangulu diya Hudyu. Ngem bekken met nga iya lubung ngi ya pagtaudan niya panangituray ku,” kunen na.

Ruma 14:17

Ta no maipanggep iya panangituray ne̍ Apu Diyus dactida, ket bekken nga ya pannangan se̍ panaginum ya napateg, no di lugud ya pannakapalinteg, se̍ ya panagtutunus, se̍ ya panaganggem nga tumaud iya Ispiritu Santu.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.