Lukas 17:18 - Ya Baru nga Tulag

¹⁸ Ape̍ awan da nga gennung nga simoli nga agyaman e̍ Apu Diyus, malacsid iya gan-gannaet nga idi?” kunen na.

Lukas 17:18 Iomraidhean Croise

Matyu 19:30

Ngem tutu met pe̍ nga adu diya maibilang nga nadayaw ita, nga maibilang nad ngas met nga nababa ngin. Ket adu diya maibilang nga nababa ita, nga maibilang nad met nga nadayawin.”

Matyu 20:16

Ket kinunen pe̍ ne̍ Je̍sus, “Agten pe̍ iyan nga pangngarig ya panangituray niya Nailangitan. Ta diya maibilang ita nga nababa, ket maibilang da nad nga nadayawin. Ket diya maibilang ita nga nadayaw, ket maibilang da nad nga nababa ngin,” kunen na.

Matyu 8:10

Ket nasdaaw nge̍ Je̍sus ito nagicna na ya kinunen nito kapitan. Ket kinunen ne̍ Je̍sus kadito nibulubulun igina, “Tutu met yani nga ibagac dakayu: Orey kadiya iIsrae̍l, awan pekkem naaskurac nga agten idi nga nabileg ya panamati na.

Matyu 8:12

Ngem dito sigud nga nangibilang iya beggi da nga kameng iya panangituray niya Nailangitan, mailaskig da nad nga gennung nga maitemsit iya kagicbettan enna deyyu. Ket diya uwed antuni nga lugar, agberrit se̍ agngaretnget da ngarud,” kunen na.

Matyu 9:8

Ket ito nasingen diya toltoley yan, uwed ngarud ansing dan, ket nidaydayaw da nge̍ Apu Diyus gapu iyan nga nakaskasdaaw nga pannakabalin nga nipaay na ka toley.

Lukas 17:17

Ket e̍ Je̍sus, kinunen na, “Bekken kad nga sangapulu to nalaingan tun? Ape̍ dito siyamin?

Paltiing 14:7

Ket kinunen nito anghe̍l ka nabileg, “Ipangag nu ngarud nge̍ Apu Diyusin, se̍ dayawen nu pe̍ yin! Ta nadatngan mettin ya timpu niya panangukum na. Itu nga agdayaw kayu ngarud e̍ Apu Diyusin, nga igina mettas ya namarsuwa iya abac lawa, ginet, baybay se̍ diya ubbug,” kunen na.