Lukas 17:1 - Ya Baru nga Tulag

¹ Ket kinunen ne̍ Je̍sus kadito adalan na, “Siguradu nga uwed ngas mangsulisug ka toley. Ngem kackaasi nad lugud ya pagbanagan niyan nga toley nga pakaigapuwan niya panagbasul diya duduma.

Lukas 17:1 Iomraidhean Croise

Matyu 16:23

Ngem e̍ Je̍sus, limaw-ing ngarud, ket kinunen na met e̍ Pe̍dru, “Umadeyyu ka iyaken, Satanas! Ta pakasulisugan naka met! Bekken met nga ya panpanunut ne̍ Apu Diyus yan nga uwed ikew, no di lugud ya panpanunut ngas toley,” kunen na.

Matyu 18:7

Kackaasi ngarud diya taga-lubung ngi, ta adu diya pakasulisugan niya toley. Pe̍yeng ngarud nga uwed da mangsulisug ka toley nga madi mapalta, ngem kackaasi nad lugud ya pagbanagan diyan nga toley nga pakaigapuwan niya panagbasul diya duduma.

Lukas 16:31

“Ngem kinunen ne̍ Abraham igina, ‘No madi da ipangag diya kagkagi ne̍ Muyse̍s se̍ dito kagkagi dito mammadtu, madi da met pe̍ mamati orey no uwed toley nga nagungar,’ kunen ne̍ Abraham,” kunen na.

Ruma 14:13

Dikad pe̍ bay-an tida kuma ngarudin ya panangdellaw kadiya pada tida nga mamati. Ya wanglen tida kuma lugud, ket lagipen tida kuma diya kakabsat tida, nga di tida ngarud agariman ka arig nga pakaisacdulan da winno pakaigapuwan niya panagbasul da.

Ruma 16:17

Ket kakabsat, ibilin ku nga sipapasnec dakayu nga annadan nu diya toley nga mangpirdi kuma iya panagtutunus nu se̍ mangiyaw-awan dakayu iya panamati nu. Itu diya sumupyat iya panursuru nga naisuru dakayu. Ket adeyyuwan nu ngarud diya agten iyan nga toley.

1 Kurintu 10:32

Awan kuma wanglen nu nga pakabasulan nga arig nga pakaisacdulan diya Hudyu man winno diya bekken nga Hudyu, winno kadiya pada nu nga mamati.

1 Kurintu 11:19

Ta masapul ngata nga napagsisina kayu, tasun mailasin kuma no nagan dakayu diya pudnu nga mangtungtungpal iya nalinteg.

1 Kurintu 8:13

Dikad pe̍ no ya pannangan ku ka karni nga naidatun kadiya didiyusen ya pakaigapuwan niya pakaisacdulan niya kabsat ku ka pammati, ket pulus nga madi yac ngarud mangan kadiyanin, tasun madic kuma arimanen ya pakaisacdulan niya isa nga kabsat ku.

1 Timutyu 4:1

Nalawag to nipacpakaemmu niya Ispiritu Santu, nga uwed nad kanu duduma nga pumanaw iya pammati tida, nga suruten da ya panursuru diya mangallilaw nga manursuru, se̍ ya panursuru nga tumaud kadiya sacsairu.

Paltiing 2:14

“Ngem uwed met pe̍ madic gabay ikew, ta uwed da duduma dakayu iyan nga agtungpal iya panursuru nito Balaam. Ket to Balaam, igina met to nangisursuru ito Ari Balac itun iya panangsulisug na kadito Israe̍lita, tasun mangan da kadiya makan nga naidatun kadiya didiyusen, se̍ tasun makikamalala da.

Paltiing 2:20

“Ngem uwed met pe̍ madic gabay ikew, ta ipampamoyam to babey nga Diye̍se̍be̍l, nga isa nga mammadtu kanu ne̍ Apu Diyus. Ngem bekken met nga tutu nga mammadtu ne̍ Apu Diyus, ata gapu iya dake̍c nga isursuru na, iyaw-awan na met diya agsirsirbi iyaken. Isursuru na da ka pannakikamalala, se̍ pannakisangu nga mangan kadiya makan nga naidatun kadiya didiyusen.