Lukas 16:9 - Ya Baru nga Tulag

⁹ Ket pudnu met nga masapul nga agpautang kayu gapu iya panangikaasi nu iya agten iyan nga nailubungan nga kuwarta, tasun adu kuma diya gagayyem nu. Ta iya agten iyan, no malabes nad ya sirbi niyan nga kuwarta ngin, uwed da latta mangiyuneg nga mangsarabu dakayu enna agnanayun nga pagedyanan.

Lukas 16:9 Iomraidhean Croise

Matyu 19:21

Ket kinunen ne̍ Je̍sus igina, “Tasun awan pagkurangam mun, mawe̍ ka ilaku diya sansanicwam, se̍ ka e̍cde̍ ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panange̍cde̍ mun, umbe̍t nac suruten nin,” kunen na.

Matyu 6:19

“Bekken kuma nga ya kinabacnang idi nga lubung ya punduwen nu. Ta ya kinabacnang idi nga lubung, mapirdi ngas met gapu ka bucbuc se̍ kirang, winno matakew nga takawen diya mangtulisan iya baley.

Matyu 6:24

“Ket no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta.”

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 14:14

Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

Lukas 16:11

Ket iya agten iyan, no madi kayu matalec kadiya kukuwa nga nailubungan, madi kayu ngarud met nga matalec kadiya pudnu nga kinabacnang.

Lukas 16:13

“Ket panunuten nu pe̍ nga no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta,” kunen na.

Lukas 16:4

Ay, emmuc kun ya mayat nga wanglec, tasun uwed da nad mangikobung iyaken no maipakac nad iya saad ku wi nin,’ kunen na iya lemlemmet na.

Aramid 10:31

Ket kinunen nito lalaki iyaken, ‘Kurne̍lyu, inannamungan ne̍ Apu Diyus ya kararag mu, se̍ laglagipen na diya panangaasim kadiya makasapul.

Aramid 10:4

Ket nakam-amutleng ngarud nge̍ Kurne̍lyu ito anghe̍l, ta nakigtut mettin, ket kinunen ne̍ Kurne̍lyu, “Nagan na, apu?” kunen na. Ket kinunen nito anghe̍l, “Silalagip nge̍ Apu Diyus ikew, ta inannamungan na dito karkararag mu, se̍ emmu na pe̍ ya panangaasim kadiya makasapul.

2 Kurintu 4:17

Ta amin didi nga pakaparparigatan mi, bekken da nga nadagsen winno agnanayun. Ket itured mi ngasin, gapu iya panagnamnama mi iya kinadayaw nga mae̍cde̍ nad dakami gapu iya panangitured mi kadidi nga pakaparparigatan mi ita. Ket iyan nga kinadayaw, madi ngarud agpatingga se̍ awan kapada na.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.