Lukas 16:7 - Ya Baru nga Tulag

⁷ “Ket kinunen na met iya sabali nga nakautang, ‘Ket ikew, piga met to utang mu tun?’ kunen na. “‘Eppat nga pulu nga kaban nga beggas trigu,’ kunen na. “Ket kinunen nito agay-aywan, ‘Ne̍, alac mu ya listaan nito utang mun. Agsurat ka ka sabali yin, ket tellu nga pulu ket duwa nga kaban nasin ya isurat mun,’ kunen na.

Lukas 16:7 Iomraidhean Croise

Matyu 18:28

“Ket to eb-ebbonen, pimanaw ngarudin. Ket nasabet na met ya isa nga pada na nga eb-ebbonen, nga nakautang igina ka e̍teng ngas nga kuwarta. Tinengngel na mettin to pada na, ket be̍tkellen na, nga kinunen na met, ‘Bayadam mun to utang mu iyaken!’ kunen na.

Lukas 16:6

“‘Sangagasut nga burnay nga lana ulibu,’ kunen nito nakautang. “Ket kinunen nito agay-aywan, ‘Ne̍, alac mu ya listaan nito utang mun. Alistuwam, ta agtugew ka nga agsurat ka sabali, ket lima nga pulu wasin ya isurat mun,’ kunen na.

Lukas 16:8

“Ket ito naemmuwan nito amu to winangel nito nasikap nga pagay-aywanen na, dinayaw na met, ta nasirib nga tutu. “Ngarud, agten pe̍ iyan ita nga timpu. Ta diya toley nga agpaay kadiya banbanag ita nga timpu, nasirsirib da met ngem kadiya naibilang nga anac niya wada, iya panangirimidyu da maipanggep kadiya pada da ita nga timpu.

Lukas 2:37

Ket kalpasan niyan, nabalu mettin agingga nga uwed walu nga pulu ket eppat nga dagun nan. Ket kanayun nga uwed to bacbaket iya Te̍mplu, nga madi pumanpanawin, ket algew se̍ gabi ya panagsirsirbi na nga sidadayaw antuni iya panagkararag na se̍ panangitured na nga di mangan tasun isnup na ya agdaydayaw.

Lukas 20:12

“Ket pine̍tlu na ya nangibon, ngem rinanggasan da nga tinaltalingu, se̍ da ngas met pinagtalew win.

Lukas 20:9

Ket itun, kinagi ne̍ Je̍sus kadiya toltoley yani nga pangngarig: “Uwed isa nga toley nga nagmula ka adu nga ubas, se̍ na nipasugpun yan nga kaubasan na kadiya agwangwangel ka laplapug, se̍ nawe̍ ka sabali nga ili yin, ket nabayag antuni.