Lukas 16:31 - Ya Baru nga Tulag

³¹ “Ngem kinunen ne̍ Abraham igina, ‘No madi da ipangag diya kagkagi ne̍ Muyse̍s se̍ dito kagkagi dito mammadtu, madi da met pe̍ mamati orey no uwed toley nga nagungar,’ kunen ne̍ Abraham,” kunen na.

Lukas 16:31 Iomraidhean Croise

Lukas 16:30

“Ngem kinunen nito bacnang, ‘Ama nga Abraham, madi da met ipangag ya agten iyan. Ngem no uwed kuma natey nga nagungar se̍ itu ya mawe̍ mangibaga igida, siguradu nga agbabawi dan,’ kunen na.

Lukas 17:1

Ket kinunen ne̍ Je̍sus kadito adalan na, “Siguradu nga uwed ngas mangsulisug ka toley. Ngem kackaasi nad lugud ya pagbanagan niyan nga toley nga pakaigapuwan niya panagbasul diya duduma.

Juan 5:47

Ngem madi kayu ngarud pinati diya nisursurat nito Muyse̍s. Itu nga siguradu nga madi kayu pe̍ mamati iya kagic,” kunen ne̍ Je̍sus.

Aramid 19:8

Ket e̍ Pablu, nangaskasaba nga situtured ito gigimungan dito Hudyu ka E̍pe̍su ka unus tellu nga bulan. Nipalpalawag na nga nipanecnec kadito Hudyu ya maipanggep iya panangituray ne̍ Apu Diyus, tasun mamati da kuma pe̍.

Aramid 26:28

Ngem e̍ Ari Agripa, kinunen na lugud e̍ Pablu, “Pagarup mu aya no nalaka ngac nga maawis nga agkristiyanu?” kunen na.

Aramid 28:23

Ket nipatulag da ngarud ya algew nga panaguurnung da ito pagedyanan ne̍ Pablu. Ket ito inumbe̍t dan, ad-adu da ngem ito damu. Ket nanipud iya agsapa agingga ka gabi, nangilawlawag nge̍ Pablu igida ka maipanggep iya pammati na. Nipakaemmu na ngarud diya pudnu nga banbanag maipanggep iya panangituray ne̍ Apu Diyus. Ket nibanag na pe̍ dito naisurat ito Linteg nito Muyse̍s se̍ dito nisurat dito mammadtu itun, tasun mapanecnekkan da kuma maipanggep e̍ Je̍sus.

2 Kurintu 4:3

Ngem no uwed da toley nga nalingdan ya pannakaawat da maipanggep iya Makaparagsac nga Damag nga isursuru mi, ket itu diyan diya toley nga agturung iya pakapukawan da.

2 Kurintu 5:11

Dikad gapu ta emmu mi ya mansing iya Apu, aw-awisen mi ngarud diya toley, tasun agtungpal da kuma pe̍ yin igina. Ket e̍ Apu Diyus, emmu na met ya kinapudnu diya pangpanggep mi, ket namnamaec nga emmu nu pe̍ yin diya napudnu nga pangpanggep mi.