Lukas 16:3 - Ya Baru nga Tulag

³ “Ket to agay-aywan, kinunen na iya lemlemmet na, ‘Nagan ngarud nad ya mabalin ku nga tarabakuwen nin? Ta ipac ne̍ amuc ya saad ku nga agay-aywanin. Ket di yac met ngarud kabaellan ya agtarabaku ka ginet, se̍ malyew wac met pe̍ ngarud nga makipalpalimus.

Lukas 16:3 Iomraidhean Croise

Matyu 20:8

“Ket ito siclep pin, kinunen nito makin-kaubasan iya katalec na, ‘Palbe̍tem dito mangmangged. Ket tangdanam da, nga ponaem dito nodi nga inumbe̍t, agingga nga di pekkem natangdanan dito nona nga inumbe̍t,’ kunen na.

Markus 10:46

Ket nakadateng da iya ili nga He̍riku itun. Ket ito pumanaw antuni nin nge̍ Je̍sus se̍ dito adalan na se̍ ya adu pe̍ nga toltoley, uwed met antuni nge̍ Bartimyu nga isa nga kulap nga makilimlimus, nga anac ne̍ Timyu. Nagtugtugew met to kulap iya pingit niya dalan.

Lukas 12:17

Itu nga kinunen na iya lemlemmet na, ‘Kumaan na ngarudin? Ta awan met umanay nga pagipunduwac iya apit kun.

Lukas 16:2

Dikad pe̍ pinalbe̍t ngarud nito bacnang to pagay-aywanen na, ket kinunen na igina, ‘Ape̍ nga uwed nadamag ku maipanggep ikew? Ala! Ipasingem iyaken nin diya listaan dito amin nga nitalec ku nga sansanicwac ikew, ta di naka met pagaywanen nin,’ kunen na.

Lukas 16:20

“Ket ito laskig niya ruwangan niya baley na, uwed isa nga napanglaw nga toley nga naipen nga naipaida antuni, nga agnagan ka Lasaru. Ket ya beggi na, nasanap met ka talingu.

Lukas 16:22

“Ket ya napasamac, natey to panglaw. Ket nimet diya anghe̍l, se̍ da nipaabay ito Abraham, nga itu to pakaliwliwaan nito Lasaru enna pennan diya natey. Ket natey met pe̍ to bacnang, ket naitamen ngarud.

Lukas 16:4

Ay, emmuc kun ya mayat nga wanglec, tasun uwed da nad mangikobung iyaken no maipakac nad iya saad ku wi nin,’ kunen na iya lemlemmet na.

Lukas 18:4

“Ket ito damu na, madi nikaskasu nito kuis to babey. Ngem to napasamac itun, kinunen nito kuis iya lemlemmet na, ‘Iyaken, madic met dayawen nge̍ Apu Diyus, se̍ awan met toley nga ipangag ku.

Juan 9:8

Ket ito nasingen dito karruba na se̍ dito toltoley nga makaemmu nga igina ya nakilimlimus itun, nagtetebbar da nga kinunen da, “Itu gayam yani to toley nga pe̍yeng nga agtugtugew nga makilimlimus!” kunen da.

Aramid 3:2

Uwed isa nga gagayangan niya Te̍mplu nga maawagan ka Napaw-is nga Gagayangan, ket itu ya edyan niya isa nga lalaki nga lugpi. Ket lugpi yani nanipud iya pannakaiyanac na. Naagtu nga inalgew nga naipen antuni tasun makilimus kadiya toley nga lumnec iya Te̍mplu.

Aramid 9:6

Ngem itan, gumnukat kan nga mawe̍ ka umuneg iya ili yin. Ket antuni ya pakaemmuwam no nagan ya masapul mu nga wanglen,” kunen na.

2 Te̍salunika 3:11

Ipalagip mi ngarud yani dakayu, ata nadamag mi met nga uwed kanu duduma dakayu nga nasadut. Awan kanu sabali nga wangwanglen da no di ngas makibibiyang iya biyang diya duduma nga toley.