Lukas 16:29 - Ya Baru nga Tulag

²⁹ “Ngem kinunen ne̍ Abraham, ‘Uwed met igida ennan dito naisurat nga kagkagi ne̍ Muyse̍s se̍ dito mammadtu. Diyan kuma ya pakaemmuwan da nga ipangag dan,’ kunen na.

Lukas 16:29 Iomraidhean Croise

Lukas 16:16

“Ya naisurat iya Bibliya, nga Linteg nito Muyse̍s se̍ diya kagkagi dito mammadtu itun, ket agpaay agingga ngas ito timpu nito Juan nga Mammautisar. Ngem manipud iyan nga timpu, ya Makaparagsac nga Damag maipanggep iya panangituray ne̍ Apu Diyus ya maikaskasaba ngin. Ket makisinsinne̍let ngarudin diya toltoley tasun mairaman da kuma iya panangituray ne̍ Apu Diyus.

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Lukas 4:17

Ket naiyawat igina ya nalukut nga pagbasaan, nga libru nito mammadtu nga Isayas. Binicrad na, ket sinapul na, se̍ na met nibasa to naisurat nga agten idi:

Aramid 15:21

Agten iyan kuma ya ibilin tida kadiya bekken nga Hudyu, ta kada ili, uwed pada tida nga Hudyu nga mangikaskasaba mettas iya Linteg ne̍ Muyse̍s. Ta orey manipud itun pekkem nga timpu, kada Algew Ngilin, uwed ibasa da kadiya gigimungan da nga naisurat ito Linteg ne̍ Muyse̍s,” kunen na.

Galasiya 4:21

Dakayu nga mayat nga sumurut pekkem iya Linteg Hudyu, mabalin ngata nga madi kayu pekkem maawatan ya naisurat ito Linteg.