Lukas 16:25 - Ya Baru nga Tulag

²⁵ “Ngem kinunen ne̍ Abraham, ‘Ay, anac ku, lagipem mas nga ito sibibiyag ka pekkem, naglak-am ka met ka nakaay-ayu nga nanam-ay nga banbanag. Ngem e̍ Lasaru nga gennung, karigatan nga banbanag ngas met to nalak-aman na itun. Ngem ita, maliwliwa met idi nin. Ket ikew met ya agrigrigatin.

Lukas 16:25 Iomraidhean Croise

Matyu 27:63

Ket kinunen da, “Apu, malagip mi nga ito sibibiyag pekkem to mangal-allilaw nga toley, kinunen na nga, ‘Kalpasan nad niya tellu nga algew, agungar rac,’ kunen na met itun.

Markus 9:45

“Ket agten pe̍ no ya isa nga sakam ya pakaigapuwan niya panagbasul mu, putdem masin! Ta nabarbaru lugud no piley ka nga makalak-am iya agnanayun nga biyag ngem ya uwed duwa nga sakam, ngem maipisuc ka ngas met ka impiye̍rnu.

Lukas 16:20

“Ket ito laskig niya ruwangan niya baley na, uwed isa nga napanglaw nga toley nga naipen nga naipaida antuni, nga agnagan ka Lasaru. Ket ya beggi na, nasanap met ka talingu.

Lukas 16:23

Ket to bacnang, uwed itun iya pagtuukan na ka Hade̍s, enna pennan diya natey. Ket rigat ngas met ya malak-aman na antuni. Ket limangad nga nasingen na nge̍ Abraham ka deyyu, ket uwed met nge̍ Lasaru iya abay na.

Lukas 16:26

Se̍ bekken nas nga iyan, ta uwed met nagbaettan tida nga nawaya, tasun diya toley idi nga mayat nga mawe̍ kuma iyan, madi da met makalasat. Ket diya uwed iyan, madi da met pe̍ makalasat nga umbe̍t idi nga edyan mi,’ kunen na.

Lukas 6:24

“Ngem no dakayu nga nabacnang, kackaasi kayu nga gennung, ta ita ngas met ya pannakaliwliwa nu.

Juan 16:33

“Nibagac didi dakayu ita, tasun gapu nad mettas iya panamati nu iyaken, uwed pekkem talna nu. Ta idi nga lubung, maparigatan kayu was met. Ngem agtalged kayu lugud, ta iyaken, inabac kun ya kinadake̍c nga uwed idi nga lubung!” kunen ne̍ Je̍sus.

Aramid 14:22

tasun pabakedden da ya panamati diya pasurut niya Apu antuni. Binagbagaan da da nga ituluy da kuma ya isusurut da iya pammati iya Apu, nga kinunen da, “Dactida nga mamati iya Apu, masapul met nga maparparigat tida nga unay. Ket iya agten iyan, makipaglak-am tida nad iya panangituray ne̍ Apu Diyus dactida,” kunen da igida.

Ruma 8:7

Ta diya toley nga manglagip iya tarigagay niya kinatoley da, guraen da met nge̍ Apu Diyus, ta di da paiturayan iya linteg na. Ket ya kinapudnu na, awan met kabaellan da nga mangtungpal iya paglinteggan na.

Pilipus 3:19

Ket diyan nga toley, pakapukawan da ngarud ya pagtungpalan da. Ket no igida, ricricna nga agpaay ngas iya bessug da ya patpatgen da, nga arig nga diyus da. Ket pagpasindayaw da met diya nakal-alyew nga wanglen da. Ket igida, diya banbanag ngas idi nga lubung ya laglagipen da.

1 Te̍salunika 3:3

Nibon mi ngarud nge̍ Timutyu iya edyan nu tasun awan kuma mariribukan dakayu gapu kadiya pakaparparigatan nu. Ta sigud nu met nga emmu nga dactida nga mamati, mairaman tida ngarud ka pannakaparparigat.

He̍briyu 11:25

Ta napatpateg ngamin igina ya pannakipaglak-am na iya rigat dito pada na nga toley ne̍ Apu Diyus, ngem iya panaglak-am na ito bekken nga agnanayun nga nam-ay nga kasasaad diya managbasbasul nga toley.

1 Juan 2:15

Madi kayu kuma ipateg diya dake̍c nga ugali winno kukuwa nga uwed idi nga lubung. Ya toley nga mangipateg kadidi, ket madi na ipateg ya Ama.

Paltiing 7:14

Ket kinunec igina, “Madic emmu, apu. Ikew met ya makaemmu iyan,” kunec. Ket kinunen na iyaken, “Didi nga toltoley, igida diya naglak-am ito nakaru nga panagrigat. Ket linabaan da met diya sutana da iya daga mettas niya Urbun Karne̍ru, ket itu nga nakapurpuraw diya sutana dan.