Lukas 16:24 - Ya Baru nga Tulag

²⁴ Ket kinunen nito bacnang nga nipkaw, ‘Ama nga Abraham, kaasiyan nac kay! Pangngaasim ta ibon mu kay nge̍ Lasaru nga mangisewsew iya kurimeng na iya danum, se̍ na umbe̍t kuma lespen ya dilac ki. Ta napalaus ya rigat ku gapu idi nga apuy,’ kunen na.

Lukas 16:24 Iomraidhean Croise

Matyu 25:41

“Ket kalpasan niyan, kunen nad niya Ari kadiya uwed iya makatigid na, ‘Dakayu, umadeyyu kayu iyaken nin, dakayu nga nailunud nga toley! Mawe̍ kayu was ito agnanayun nga pagapuyan nga naisagana itun para iya diyablu se̍ dito eb-ebbonen na.

Matyu 3:9

Ket di nu met ipagarup nga kustu no kunkunen nu iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Matyu 5:22

Ket ya ibagac dakayu, ket ya amin nga orey makaunget ngas iya kapada na, rebbeng na met ya maisangu nga maukum kadiya kustisiya. Se̍ ya orey nagan na nga mangagi iya kapada na nga, ‘Awan nakem mu!’ ket rebbeng na met ya maisangu iya Kunse̍hus. Se̍ ya mangagi nga, ‘Turpi ka!’ ket rebbeng na met ya maipisuc iya apuy nga pagdusaan enna impiye̍rnu.

Lukas 16:30

“Ngem kinunen nito bacnang, ‘Ama nga Abraham, madi da met ipangag ya agten iyan. Ngem no uwed kuma natey nga nagungar se̍ itu ya mawe̍ mangibaga igida, siguradu nga agbabawi dan,’ kunen na.

Lukas 19:9

Ket e̍ Je̍sus, nagkagi maipanggep e̍ Sakiyu win, nga kinunen na, “Ita nga algew, nadatngan ngarudin ya pakaisalakanan didi nga sangabaley, ta anac met pe̍ nito Abraham yani nga toley.

Lukas 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu. Ket di nu met kunkunen iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

Juan 4:10

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 7:37

To algew nga panggibusan nito padaya, itu ya kangrunaan nga algew nito padaya. Ket iyan nga algew, nagsikad nge̍ Je̍sus iya imatang diya toltoley, ket kinunen na ka nabileg, “No uwed dakayu ya mewwew, umbe̍t iyaken, ta painumec.

Ruma 4:12

Ket dactida nga Hudyu nga nagtungpalin iya panagkugit, to Abraham met pe̍ ya maibilang nga ama tida, no tungpalen tida to nipasingen na nga pagtuladan tida, nga itu ya panamati na orey madi pekkem nga nagpakugit itun.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

Santiyagu 2:13

Tutu met yan, ta madi nad kaasiyan ne̍ Apu Diyus ya toley nga awan kaasi na. Ngem ya managkaasi, ket awan pakaukuman na.

Santiyagu 3:6

Ngarud, ya dila tida, ket arig met nga apuy. Mangpadake̍c met ya dila tida iya beggi tida, ta mabalikas na ya amin nga kita dake̍c. Ket itu ya mangpadake̍c iya amin nga kasasaad tida se̍ iya amin nga panagbiyag tida nga toley, ta arig met nga nasibtan ya dila tida iya apuy mettas niya impiye̍rnu.

Paltiing 19:20

Ngem natiliw met to nakan-ansing nga animal, se̍ natiliw met pe̍ to busid nga mammadtu. Igina to nangar-ariman ka nakaskasdaaw itun gapu iya pammalubus nga nipaay nito nakan-ansing nga animal. Nipaay na ya pammalubus na, tasun allilawen na dito toley itun nga namarkaan ito marka nito nakan-ansing nga animal, nga igida pe̍ dito nagdaydayaw ito bultu na. Ket natiliw ngarud to nakan-ansing nga animal se̍ to busid nga mammadtu, ket naidegsut da mettin nga sibibiyag ito dackel nga pagapuyan nga gumatgateng gapu ka burbura nga asupre̍.

Paltiing 20:15

Ngarud, to dackel nga pagapuyan, itu ya nakaipisukanin dito orey nagan na nga awan nagan da nga naisurat ito libru nga nakaisuratan diya nagnagan diya mae̍cdan ka biyag nga agnanayun.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.