Lukas 16:23 - Ya Baru nga Tulag

²³ Ket to bacnang, uwed itun iya pagtuukan na ka Hade̍s, enna pennan diya natey. Ket rigat ngas met ya malak-aman na antuni. Ket limangad nga nasingen na nge̍ Abraham ka deyyu, ket uwed met nge̍ Lasaru iya abay na.

Lukas 16:23 Iomraidhean Croise

Matyu 11:23

Ket dakayu nga iKape̍rnaum, nagan ya ipagarup nu? Maidayaw kayu nad ngata ka langit? Bekken met! Maipasegged kayu lugud met iya pagtuukan diya natey. Ta orey dito iSuduma itun, no igida kuma ya nakaipasingnan dito nakaskasdaaw nga naariman enna ili nu, ket agpaut met pekkem agingga ita to ili da.

Matyu 18:9

Ket agten pe̍ no ya matam ya pakaigapuwan niya panagbasul mu, kotkotem nga itemsit ngasin. Ta nabarbaru lugud no bulding ka nga makalak-am iya agnanayun nga biyag ngem ya uwed duwa nga matam, ngem maipisuc ka ngas met iya pagapuyan enna impiye̍rnu.”

Matyu 23:33

“Arig kayu met nga malaga! Ngarud, kapututan dakayu diya nagita nga malaga! Ipagarup nu aya nga makalisi kayu iya pannakaukum nu ka impiye̍rnu?

Matyu 5:22

Ket ya ibagac dakayu, ket ya amin nga orey makaunget ngas iya kapada na, rebbeng na met ya maisangu nga maukum kadiya kustisiya. Se̍ ya orey nagan na nga mangagi iya kapada na nga, ‘Awan nakem mu!’ ket rebbeng na met ya maisangu iya Kunse̍hus. Se̍ ya mangagi nga, ‘Turpi ka!’ ket rebbeng na met ya maipisuc iya apuy nga pagdusaan enna impiye̍rnu.

Matyu 5:29

Itu nga no pakabasulam ya diwanan nga matam, kotkotem kuma ngasin, se̍ ka itemsit! Ta nabarbaru lugud no maipac ya isa nga parte̍ niya beggim ngem iya awan pagkurangan niya beggim, ngem maipisuc ka ngas met ka impiye̍rnu.

Matyu 8:29

Ket dito duwa nga lalaki, kinunen da e̍ Je̍sus ka nabileg, “Anac ne̍ Apu Diyus! Nagan ngarud ya biyang mu dakami? Inumbe̍t ka aya idi tasun parigaten nakami ita, sacbay niya naikeddeng nga pannakadusa mi?” kunen da.

Lukas 16:24

Ket kinunen nito bacnang nga nipkaw, ‘Ama nga Abraham, kaasiyan nac kay! Pangngaasim ta ibon mu kay nge̍ Lasaru nga mangisewsew iya kurimeng na iya danum, se̍ na umbe̍t kuma lespen ya dilac ki. Ta napalaus ya rigat ku gapu idi nga apuy,’ kunen na.

Lukas 16:28

ta uwed da pekkem lima nga kakabsat ku nga lalaki antuni. Ibon mu kay nge̍ Lasaru nga mawe̍ mangipakaemmu igida iya kinapudnu, tasun bekken kuma nga idi nga pagtuukan ya pagtungpalan da pe̍,’ kunen na.

Lukas 8:28

Ket ito nasingen na nge̍ Je̍sus, nagkerre̍s met, se̍ nawe̍ nagparintumeng iya sangu na. Ket kinunen na ka nabileg, “Je̍sus nga Anac ne̍ Apu Diyus nga Kangatuwan! Nagan ngarud ya biyang mu iyaken? Pangngaasim kay ta di nac kuma parigaten!” kunen na.

1 Kurintu 15:55

Ket kunen na pe̍, “Awan kabaellan niya patey nga mangabac nga sibaballaigi. Awan met pannakabalin na nga mangpirdi yin,” kunen na.

2 Pe̍dru 2:4

Siguradu nga agten iyan, ta orey diya anghe̍le̍s nga nagbasul itun, madi kinaasiyan ne̍ Apu Diyus da, no di lugud pinapen na da iya pakabaludan da nga nauneg nga lugar. Ket uwed da pekkem antuni nga sibabalud iya nagicbet nga unay nga lugar, agingga iya pannakadusa da nad mettas.

Paltiing 20:10

Ket to diyablu nga nangallilaw kadiya toltoley, naidegsut mettin nga naipisuc ito dackel nga pagapuyan nga uwed gumilgilab nga burbura nga asupre̍ na. Ket itu pe̍ to nakaipisukan nito nakan-ansing nga animal se̍ to busid nga mammadtu. Ket algew-gabi da met nga agtuctuuc antuni nin ka agnanayun nga awan patingga na.