Lukas 16:22 - Ya Baru nga Tulag

²² “Ket ya napasamac, natey to panglaw. Ket nimet diya anghe̍l, se̍ da nipaabay ito Abraham, nga itu to pakaliwliwaan nito Lasaru enna pennan diya natey. Ket natey met pe̍ to bacnang, ket naitamen ngarud.

Lukas 16:22 Iomraidhean Croise

Matyu 18:10

“Agannad kayu kuma ngarud tasun madi kayu kuma laisen ya isa nga agten kadidi nga tekkut nga ebbing. Ipateg nu da kuma lugud, ta kinapudnu na, diya anghe̍l da ka langit, pe̍yeng nga uwed da iya imatang ne̍ Amac nga uwed ka langit.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Matyu 8:11

Tutu met nga adu nad diya gayat iya daya se̍ ellod nga makisangu nga mangan kade̍ Abraham, Isaac se̍ e̍ Hakub iya pagiturayan niya Nailangitan.

Markus 8:36

Tutu met yan, ta awan ngarud paglaingan niya isa nga toley, orey no matagikuwa na kuma diya amin nga uwed iya lubung ngi, ngem mapukaw nad met ya biyag na.

Lukas 12:20

“Ngem e̍ Apu Diyus, kinunen na ito bacnang, ‘Kurang latta met ya pannakaawat mu! Ta ita mettas nga gabi, matey kan. Ket iya agten iyan, amin didi nga inurnung mu, bekken met nga ikew nad ya makin-kuwa ngin,’ kunen na.”

Lukas 16:21

Me̍lug to Lasaru nga mangan kuma orey ngas no iya mucmuc nga miterkag nga gayat iya lamisaan nito bacnang. Ket bekken nas pe̍ nga iyan, ta nawe̍ met pe̍ dine̍lde̍lde̍lan diya asu diya taltalingu na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 13:23

Ket uwed iya abay ne̍ Je̍sus ya dinungdungngu na nga adalan, nga nagse̍rse̍rig igina.

Juan 21:20

Ket itun, limaw-ing nge̍ Pe̍dru, ket nadlaw na to adalan nga dinungdungngu ne̍ Je̍sus nga mip-ipuyut igidan. Igina yan to adalan nga nagse̍rig e̍ Je̍sus ito pananggidam da itun, ito sinaludsud na iya Apu no nagan ya mangiyawat igina.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

He̍briyu 2:14

Ket gapu ta uwed kinatoley didi nga naibilang nga anac na, nagbalin met nge̍ Je̍sus nga agten pe̍ igida, ta naglak-am met pe̍ iya kasasaad niya kinatoley da. Agten iyan ya winangel na, tasun gapu iya pannakatey na, pirdiyen na ya pannakabalin niya diyablu, nga itu ya pakaigapuwan niya pannakatey.

Santiyagu 1:11

Ta no agmatuun ya sinag, macrit diya eddon diya rucruut. Ket diya belbellad da, miterkag dan, ket bekken met nga napaw-isin. Ket agten pe̍ iyan ya bacnang, ta malabes nad pe̍, orey no madama pekkem nga bumacbacnang.

1 Pe̍dru 2:24

E̍ Kristu mettas to nagagtu kadiya basbasul tida nga naibulun iya beggi na ito pannakailansa na ito krus. Agten iyan ngarud ya winangel na, tasun agbalin tida nga arig nga natey yin nga madi agbasbasulin, se̍ tasun agbiyag tida nga agpaay iya kinalinteg gin. Ket gapu ngarud ito pannakatalingu ne̍ Kristu, naagasan kayun.

Paltiing 14:13

Ket nagicnac manin itun ya isa nga timec nga gayat ka langit, nga kinunen na iyaken, “Isurat mu yani: Nagasat diya matey no naikameng da iya Apu, manipud ita nga timpu,” kunen na. “Pudnu met,” kunen niya Ispiritu ne̍ Apu Diyus, “Nagasat da ngarud, ta itu ya pagkarinawaan da iya bannug da, ta magun-gunaan da met kadito nabaru nga wangwangel da,” kunen na.