Lukas 16:2 - Ya Baru nga Tulag

² Dikad pe̍ pinalbe̍t ngarud nito bacnang to pagay-aywanen na, ket kinunen na igina, ‘Ape̍ nga uwed nadamag ku maipanggep ikew? Ala! Ipasingem iyaken nin diya listaan dito amin nga nitalec ku nga sansanicwac ikew, ta di naka met pagaywanen nin,’ kunen na.

Lukas 16:2 Iomraidhean Croise

Matyu 12:36

“Ket pudnu met nga no timpu nad niya panangukum, sungbatan nad mettas diya toley diya tunggal nikagi dan nga awan sirsirbi na.

Matyu 20:8

“Ket ito siclep pin, kinunen nito makin-kaubasan iya katalec na, ‘Palbe̍tem dito mangmangged. Ket tangdanam da, nga ponaem dito nodi nga inumbe̍t, agingga nga di pekkem natangdanan dito nona nga inumbe̍t,’ kunen na.

Lukas 12:20

“Ngem e̍ Apu Diyus, kinunen na ito bacnang, ‘Kurang latta met ya pannakaawat mu! Ta ita mettas nga gabi, matey kan. Ket iya agten iyan, amin didi nga inurnung mu, bekken met nga ikew nad ya makin-kuwa ngin,’ kunen na.”

Lukas 12:42

Ket kinunen niya Apu, “No nagan kuma ya maibilang nga mapagtalkan se̍ nasirib nga mangsingen iya baley niya amu na, ket igina mettas ya pangitalkan niya amu na nga makaemmu kadiya pada na nga agsirsirbi iya baley niya amu na, tasun igina ya mangbingay ka kanen niya tunggal isa igida kada kustu nga uras na.

Lukas 16:1

Ket nagkagi pe̍ nge̍ Je̍sus kadito adalan na, nga kinunen na, “Uwed isa nga bacnang nga uwed pagay-aywanen na kadiya sansanicwa na. Ket ya napasamac, naibaga ito bacnang, nga busbusen kanu nito agay-aywan diya naitalec igina.

Lukas 16:3

“Ket to agay-aywan, kinunen na iya lemlemmet na, ‘Nagan ngarud nad ya mabalin ku nga tarabakuwen nin? Ta ipac ne̍ amuc ya saad ku nga agay-aywanin. Ket di yac met ngarud kabaellan ya agtarabaku ka ginet, se̍ malyew wac met pe̍ ngarud nga makipalpalimus.

Ruma 14:12

Ket iya agten iyan, emmu tidan nga ya tunggal isa dactida ya makaemmu nad nga sumungbat e̍ Apu Diyus maipanggep kadiya winangwangel na.

1 Kurintu 1:11

Kunec yani dakayu nga kakabsat ku, ta nadamag ku kadiya kabbalay ne̍ Kluwe̍ nga agsusupyat kayu kanu.

1 Kurintu 4:2

Ket emmu tida nga ya matalec nga toley, masapul ngarud nga pe̍yeng nga mapagtalkan iya pagrebngan na.

1 Kurintu 4:5

Ket iya agten iyan, madi kayu kuma nga mangpabasul ka toley yin iya orey nagan na, agingga nga madi pekkem madatngan ya kustu nga timpu na, nga itu ya umbe̍t manin niya Apu. Ta ya Apu, mangipawada nad kadiya nalimed nga winangwangel diya toley, se̍ mangilatac nad pe̍ kadiya pangpanggep diya toley nga di pekkem naemmuwan. Ket no iyan nga timpu, ipasingen nad ne̍ Apu Diyus ya tutu nga dayaw niya tunggal isa dactida, sigun iya panagtungpal tida.

2 Kurintu 5:10

Ta uwed nad met pannakaisangu tida nga amin e̍ Kristu iya tugew nga pangukuman na. Ket awaten nad niya tunggal isa dactida ya maitutup igina, sigun iya winangel tida ito sibibiyag tida pekkem idi nga lubung, nabaru man winno dake̍c.

1 Timutyu 4:14

Ket madi ka kuma ngarud liwayan ya pannakabalin nga nitalec ne̍ Apu Diyus ikew. Itu pe̍ ya nipakaemmu dito panglakayen ito nipatey da ikew diya ima da tasun ipasingen da nga mae̍cdan kan ka turay.

1 Timutyu 5:24

Uwed da toley nga nalaka nga mailasin diya basul da. Dikad pe̍ nawada ngin ya gapu niya pannakaukum nad diya agten iyan nga toley. Ngem diya duduma, nalimed pekkem diya basul da, ngem maipakaemmu da nad met pe̍.

1 Pe̍dru 4:10

Ket sigun iya kabucbukudan nu nga pannakabalin nga nae̍cde̍ iya tunggal isa dakayu, usaren nu kuma iya panagsirbi nu kadiya kapada nu, tasun mayat ya panangusar nu kadiya nadumaduma nga ne̍cde̍ ne̍ Apu Diyus.

1 Pe̍dru 4:5

Ngem sungbatan da nad nga mismu e̍ Apu Diyus maipanggep kadiya wangwanglen da. Ket igina, nakasagana met nga mangikeddeng iya pagbanagan diya toley nga sibibiyag se̍ orey diya nat-atey yin.

Paltiing 20:12

Ket nasingec itun diya natey, nga mabigbig se̍ nanumu, nga agsisikad iya sangu nito trunu. Ket uwed met liblibru nga mabicbicrad antuni nin. Ket nabicrad pe̍ yin ya sabali nga libru itun, nga itu to libru nga nakaisuratan diya nagnagan diya mae̍cdan ka biyag nga agnanayun. Ket nakedngan met itunin ya kasasaad dito nat-atey, maikanatad kadiya winangwangel da nga naisurat kadito liblibru.