Lukas 16:19 - Ya Baru nga Tulag

¹⁹ Ket kinunen manin ne̍ Je̍sus, “Uwed isa nga bacnang itun nga pe̍yeng nga nakakawwes ka agkakangina nga luput nga biyule̍ta se̍ line̍n. Se̍ inalgew nga mangan, ket sinanam-ay nga agten met iya agpunsiyunin.

Lukas 16:19 Iomraidhean Croise

Markus 15:17

Ket siuuyaw da nga nangke̍bal e̍ Je̍sus ka biyule̍ta nga luput. Ket nangkawikew da met ka lanut nga agrasrasi, nga inariman da ka sinan-balangat, se̍ da nisimpa iya ulu ne̍ Je̍sus.

Markus 15:20

Ket ito nalpas dan nga inuy-uyaw, nipac da to biyule̍ta nga luputin, ket nikawwes da manin igina to sigud nga luput na. Kalpasan na, niruwar da tasun ipen da nga ilansa ka krusin.

Lukas 15:13

Ket ito di nabayag, nilaku met nito inaudi ya amin nga bingay na, se̍ pimanawin. Nitarey na amin nga naglakuwan na, nga nawe̍ ka deyyu nga pagiliyan. Ket binusbus na met antuni ya amin nga kuwarta na ka kinadarusudus nga panagbiyag.

Lukas 16:1

Ket nagkagi pe̍ nge̍ Je̍sus kadito adalan na, nga kinunen na, “Uwed isa nga bacnang nga uwed pagay-aywanen na kadiya sansanicwa na. Ket ya napasamac, naibaga ito bacnang, nga busbusen kanu nito agay-aywan diya naitalec igina.

Lukas 16:18

“Ya lalaki nga mangiyadi iya asawa na, se̍ manin mangasawa ka sabali, ket maibilang nga makabasul ka basul nga pannakitipun ka bekken na nga asawa. Ket agten pe̍ nga ya lalaki nga mangasawa ka babey nga niyadi yin niya asawa na, maibilang pe̍ nga makabasul ka basul nga pannakitipun ka bekken na nga asawa,” kunen ne̍ Je̍sus.

Lukas 16:20

“Ket ito laskig niya ruwangan niya baley na, uwed isa nga napanglaw nga toley nga naipen nga naipaida antuni, nga agnagan ka Lasaru. Ket ya beggi na, nasanap met ka talingu.

Paltiing 17:4

Ket to babey, nakakawwes ka kulur biyule̍ta se̍ nadgang, ket adu met diya kawwes na nga alahas nga balituc, se̍ agkakangina nga batu se̍ pe̍rlas. Nakaikem met ka tasa nga balituc nga napnu ka agkakaalas se̍ agkakarugit nga banbanag, nga itu ya pagbanagan niya kinamannakikamalala na.

Paltiing 18:16

nga kunen da, “Ay-aay! Kackaasi ngas mettin to agdindinamag nga siyudad! Ta itun, arig nga nakakawwes ka agkakangina nga luput, nga agten kadiya line̍n, diya biyule̍ta, se̍ diya nadgang. Se̍ arig pe̍ itun nga nakaalahas ka balituc, agkakangina nga batu se̍ pe̍rlas!

Paltiing 18:7

Ket sigun ito nakaru nga panagpaspasindayaw se̍ kinanam-ay nito babey itun, maitutup kuma met pe̍ yin ya nakaru nga rigat se̍ ladingit nga maipalak-am igina itan. Ta kunen na kem pe̍ yasin iya lemlemmet na, ‘Uwed dac nga nakatugew nga isa nga re̍yna! Bekken nac nga agten iya balu, ta pulus nga madic aglak-am ka ladingit, orey nungey!’ kunen na met.