Lukas 16:17 - Ya Baru nga Tulag

¹⁷ Ket pudnu met pe̍ nga nalaclaka ya pannakapukaw kuma niya abac lawa se̍ ya lubung ngem iya pannakaipac niya pateg niya orey isa ngas nga tulnec kadito naisurat iya Linteg ne̍ Muyse̍s.

Lukas 16:17 Iomraidhean Croise

Matyu 5:18

Ta ya kinapudnu na, no kumaan niya panagpaut niya abac lawa se̍ lubung, itu pe̍ yin ya panagpaut niya orey nagan na nga le̍tra se̍ orey tulnec ngas niya Linteg, agingga ka matungpal nad ya aminin.

Lukas 21:33

No ya abac lawa se̍ ya lubung ngi, uwed nad met panagpatingga da. Ngem diya kagic nga gennung, pulus met nga awan panagpatingga da.”

Ruma 3:31

Ngem madi kayu kuma nga pagarupen nga gapu idi nga panamati tida, pagbalinen tida nga awanin mamaay niya Linteg ne̍ Muyse̍s. Bekken met nga agten iyan, ta ya kinapudnu na, ket gapu iya panamati tida, ipasingen tida ya pudnu nga kaipapennan niya Linteg.

1 Pe̍dru 1:25

Ngem ya kagi niya Apu, agnanayun nga gennung,” kunen na. Ket ya kagi nga kunen na iyan, itu met ya Makaparagsac nga Damag nga naikaskasaba dakayun.

2 Pe̍dru 3:10

Ngem no madatnganin ya Timpu niya Apu, kellat met ya panagparang na, nga agten mettas iya umbe̍t niya isa nga mannanakew. Ket mapukaw nad mettin ya abac lawa, nga uwed nad magicna nga nabileg nga ungug, ket diya masingen nga naisaad iya abac lawa, macset da mettin nga mapukawin. Ket agten nad met pe̍ iyan ya lubung, se̍ amin nga uwed iya sap-ew niya ginet, ta macset da nad mettin.

Paltiing 20:11

Ket itun, uwed met nasingec nga isa nga dackel nga trunu nga puraw, se̍ nasingec pe̍ ya agturay nga nakatugew iyan nga trunu. Ket ya abac lawa se̍ ya ginet, nagpukaw da mettin iya imatang na, ket pulus nga madi da masingen nin.

Paltiing 21:1

Ket itun, uwed nasingec nga kabarbaru nga lubung, agraman ya abac lawa se̍ ginet, ata nalabes sin to nona nga abac lawa, se̍ to nona nga ginet pe̍ yin. Ket awan met baybayin.

Paltiing 21:4

Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.