Lukas 16:15 - Ya Baru nga Tulag

¹⁵ Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Lukas 16:15 Iomraidhean Croise

Matyu 23:5

“Ket diya amin nga wangwanglen da, pagpasindayaw da ngas met iya imatang diya toltoley. Itu nga arimanen da nga dackel dito tekkut kuma nga nakaisuratan Bibliya nga maisimpa iya beggi da. Itu pe̍ nga arimanen da nga deddu diya balayubey diya gayad diya ke̍bal da.

Matyu 6:16

“Ket no uwed kari nu gapu iya pammati nu, nga mangiparit iya beggi nu nga mangan, singen nu tasun madi kuma mad-adlaw iya langa nu ya panaganus nu, nga agten iya gangey diya aginpapasnec. Ta pasabaliyen da ya langa diya rupa da, tasun masingen diya toley ya panaganus da nga madi mangan. Ket pudnu met nga itu wasin ya gun-guna dan.

Matyu 6:2

“Itu nga no mangikaasi ka kadiya makasapul, madi ka kuma ipacpakaemmu kadiya toltoley ya wangwanglem. Ta bekken kayu kuma ngarud nga agten kadito aginsisingpet nga toley nga agpatangguyub met kadiya gigimungan se̍ kadiya kalkalsada, tasun dayawen diya toley da. Pudnu met nga itu wasin ya gun-guna diya agten iyan nga toley.

Matyu 6:5

“Ket no agkararag ka, madi ka kuma pe̍ tultuladen diya aginsisingpet. Ta magustuwan da ya agkararag nga nakasikad kadiya gigimungan se̍ kadiya paguurnungan toley kadiya kalkalsada, tasun masingen diya toley da. Pudnu met nga itu wasin ya gun-guna dan.

Lukas 10:29

Ngem to masirib iya Linteg, gabay na nga ikalinteggan latta ya beggi na, itu nga nagsaludsud manin e̍ Je̍sus nga kinunen na, “Bo a, ngem nagan na kuma ya naibilang nga kapadac?” kunen na.

Lukas 11:39

Ngem kinunen niya Apu igina, “Dakayu nga Parisiyu, maiyarig kayu met iya mangugas iya laskig ngas niya tasa se̍ palatu. Ngem iya uneg nu, adu met nga panangpilit se̍ kinadake̍c.

Lukas 18:11

Ket to Parisiyu, nagsikad nga is-isa nga nagkararag. Ket kinunen na, ‘Apu Diyus, agyaman nac ikew, ta bekken nac nga agten kadiya duduma nga toley, nga agten kadiya agtakew, nasikap, se̍ diya makitipun kadiya bekken da nga asawa. Ket bekken nac pe̍ nga agten iya toley nga iyan nga agsingsingir ka buis.

Lukas 18:14

“Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.

Lukas 18:21

Ket to pangulu, kinunen na, “Manipud pekkem ito kaebbing ku, tungtungpalec met amin diyan nga bilbilin,” kunen na.

Lukas 18:9

Ket uwed da pe̍ toley antuni nga natangsit, ta pagarup da nga nalinteg da iya imatang ne̍ Apu Diyus, ket laisen da met diya duduma nga toley. Itu nga nibaga ne̍ Je̍sus yani nga pangngarig igida:

Lukas 20:20

Itu nga sinipsiput da ngas met nge̍ Je̍sus, ket uwed da pe̍ nibon da nga nawe̍ nangsicsiim igina. Naginlalaing didi iya imatang na, tasun makasmac da kuma ka rasun nga pangtiliwan da igina gapu iya kagiyen na. Ta gabay da nga iyawat nge̍ Je̍sus iya turay se̍ pannakabalin niya gube̍rnadur.

Lukas 20:47

Agawen da met pe̍ diya baley diya balbalu nga babey, se̍ da met agkarkararag ka mabayag, ta panglinged da diya karkararag da kadiya wangwangel da nga dake̍c. Ngem nadagsen nad ngarud ya dusa diyan nga toley.”

Juan 2:25

Itu nga madi na masapul ya mangibaga igina maipanggep iya gangey toley, ta emmu na nga sigud ya uwed kadiya lemlemmet diya toley.

Juan 21:17

Ket ya kapame̍tlu na, kinunen ne̍ Je̍sus e̍ Pe̍dru, “Simon nga anac ne̍ Juan, patpatgen nac kadi?” kunen na. Ket linumdaang ngarudin nge̍ Pe̍dru gapu ta sinaludsud ne̍ Je̍sus igina iya kapame̍tlu no patpatgen na. Dikad pe̍ kinunen ne̍ Pe̍dru, “Ay, emmum ngarud diya amin, Apu, ket emmum met nga patpatgen naka!” kunen na. Ket kinunen ne̍ Je̍sus igina manin, “Dikad pe̍ istimarem ngarud diya arig nga karne̍ruc, a.

Aramid 1:18

Ket to kuwarta nga nanangdan diya toley ito Hudas ito winangel na nga dake̍c, itu ya naingina ka isa nga day-as nga nakatayan na. Ta nibaltug met antuni, ket nabetdi ya bessug na, ket nibolnayag diya siney na.

Aramid 1:24

Dikad pe̍ nagkararag da nga kinunen da, “Apu, emmum met ya uwed iya lemlemmet diya amin nga toley. Itu nga ipakaemmum kuma no nagan kadidi nga duwa ya pinilim,

Aramid 15:8

Ket e̍ Apu Diyus nga makailasin iya panpanunut diya toley, nipasingen na met ya panangannamung na kadito bekken nga Hudyu, ito nipabulun na ya Ispiritu Santu igida nga agten pe̍ dactida itun.

Ruma 3:20

Itu nga awan toley nga mapalinteg iya imatang ne̍ Apu Diyus gapu iya panagtungpal na iya Linteg. Ta ya Linteg, itu mettas ya mangipakaemmu dactida kadiya basbasul tida.

Ruma 8:27

Ket e̍ Apu Diyus, sukimaten na ya uwed iya panpanunut tida, ket emmu na met pe̍ ya pangpanggeppen niya Ispiritu para dactida nga naibilang nga toley na. Ta ipacpakaasi nactida ya Ispiritu e̍ Apu Diyus, ket ya ibagbaga na para dactida, maikanatad ngarud iya tarigagay ne̍ Apu Diyus.

1 Kurintu 4:5

Ket iya agten iyan, madi kayu kuma nga mangpabasul ka toley yin iya orey nagan na, agingga nga madi pekkem madatngan ya kustu nga timpu na, nga itu ya umbe̍t manin niya Apu. Ta ya Apu, mangipawada nad kadiya nalimed nga winangwangel diya toley, se̍ mangilatac nad pe̍ kadiya pangpanggep diya toley nga di pekkem naemmuwan. Ket no iyan nga timpu, ipasingen nad ne̍ Apu Diyus ya tutu nga dayaw niya tunggal isa dactida, sigun iya panagtungpal tida.

1 Pe̍dru 3:4

Ya tutu nga kinapaw-is nu nga gennung, itu ngarud ya ipasingen nu gapu iya nabaru nga gangey nu nga tumaud iya nasingpet se̍ natalna nga nakem. Ta idi ya makapapaw-is dakayu nga madi agkupas, ket napateg met nga unay e̍ Apu Diyus.

1 Pe̍dru 5:5

Ket dakayu nga naeb-ebbing nga lalaki, paiturayan kayu kuma kadiya lallakay. Se̍ dakayu nga amin, masapul nga napakumbaba kayu iya imatang niya tunggal isa dakayu. Ta laglagipen nu kuma ya kunen na iya Bibliya nga, “Kagura ne̍ Apu Diyus diya natangsit, ngem kaasiyan na diya napakumbaba,” kunen na.

Paltiing 2:23

Ket diya pasurut na, nga maiyarig ka an-anac na, dusaec da nad met pe̍ nga patayen. Ket iya agten iyan, maemmuwan diya amin nga bungbungguy diya mamati nga iyaken met ya mangsukimat iya lemlemmet se̍ tartarigagay diya toley. Ket supapakac ngarud ya tunggal isa dakayu, sigun iya winangel nu.