Lukas 16:14 - Ya Baru nga Tulag

¹⁴ Ket ito nagicna dito Parisiyu yan nga kinagi ne̍ Je̍sus, inuyaw dan, gapu ta mangipatpateg da met nga tutu ka kuwarta.

Lukas 16:14 Iomraidhean Croise

Matyu 23:13

“Ngem dakayu nga manursuru iya Linteg se̍ dakayu nga Parisiyu, kackaasi kayu nad ngarud, dakayu nga managinlilinteg! Ta ya kinapudnu na, dakayu met ya mangtiped kadiya toltoley iya dalan nga agturung iya panangituray niya Nailangitan. Ta dakayu, madi kayu met gabay ya aglak-am iya panangituray na, ket iparit nu met pe̍ diya duduma nga mayat nga aglak-am.

Matyu 9:24

Itu nga kinunen na, “Pumanaw kayu idi! Ta bekken met nga natey ya ebbing, no di ngas mat-atudug,” kunen na. Ket nigalgalec ngas dito toley nge̍ Je̍sus.

Lukas 12:15

Ket nituluy ne̍ Je̍sus nga kinunen igida nga aminin, “Agannad kayu ngarud, nga madi kayu mairaman ka orey nagan na nga kita kinaagum. Ta kinapudnu na, ya kaipapennan niya biyag niya toley, bekken met nga maigapu iya kinaadu niya sanicwa na,” kunen na.

Lukas 20:47

Agawen da met pe̍ diya baley diya balbalu nga babey, se̍ da met agkarkararag ka mabayag, ta panglinged da diya karkararag da kadiya wangwangel da nga dake̍c. Ngem nadagsen nad ngarud ya dusa diyan nga toley.”

Lukas 23:35

Ket uwed pe̍ diya toltoley nga nagsisikad iyan, nga nagbuybuya. Ket dito pangpangulu diya Hudyu, inuy-uyaw da nge̍ Je̍sus nga kinunen da, “Naisalakan na kanu met diya duduma. Ket no tutu nga igina ya Kristu nga pinili ne̍ Apu Diyus, ape̍ nga di na lugud isalakan ya beggi na mettasin?” kunen da.

Lukas 8:53

Ket nigalgalec ngas dito toley nge̍ Je̍sus, gapu ta siguradu da nga natey yin to ebbing.

2 Timutyu 3:2

Ta uwed da nad mangtungtungpal ngas iya uwed iya panpanunut da. Ket ya panagbacnang, itu nad ya ipatpateg dan. Napangas da, natangsit, managuyaw, se̍ di da met mangikaskasu kadiya naganac igida. Ket madi da nad pe̍ emmu ya agyaman, se̍ pulus nga awan panangipateg da e̍ Apu Diyus.

He̍briyu 11:36

Ket uwed da pe̍ duduma nga lalaki nga nauy-uyaw se̍ nabacbaut, se̍ uwed da pe̍ diya sikakawar nga naibalud itun.