Lukas 16:11 - Ya Baru nga Tulag

¹¹ Ket iya agten iyan, no madi kayu matalec kadiya kukuwa nga nailubungan, madi kayu ngarud met nga matalec kadiya pudnu nga kinabacnang.

Lukas 16:11 Iomraidhean Croise

Matyu 6:24

“Ket no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta.”

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 16:12

Ket no madi mabalin nga maitalec dakayu ya kukuwa niya sabali, madi ngarud met pe̍ nga maitalec dakayu diya agbalin nga mismu nga kukuwa nu mettas.

Lukas 16:9

Ket pudnu met nga masapul nga agpautang kayu gapu iya panangikaasi nu iya agten iyan nga nailubungan nga kuwarta, tasun adu kuma diya gagayyem nu. Ta iya agten iyan, no malabes nad ya sirbi niyan nga kuwarta ngin, uwed da latta mangiyuneg nga mangsarabu dakayu enna agnanayun nga pagedyanan.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

E̍pe̍su 3:8

Ket orey iyaken ya kanumuwan kadiya amin nga toley ne̍ Apu Diyus, pinili nac latta nga mangipakaemmu dakayu nga bekken nga Hudyu kadiya nakaskasdaaw nga unay nga banbanag nga ipaay ne̍ Kristu dactida.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

Paltiing 3:18

Itu nga ipatigmaan ku ikew, nga iyaken kuma ya pagnginaam mun ka balituc nga nadalusan gapu iya pannakailasat na ka apuy, tasun bumacnang ka nga tutu. Se̍ ngumina ka kuma pe̍ iyaken ka puraw nga luput nga pagkawwes mu, tasun madi masingen ya nakal-alyew nga kinalamulamum. Ket ngumina ka kuma pe̍ iyaken ka agas mata nga iyagas mu iya matam, tasun makasingen ka.