Lukas 16:10 - Ya Baru nga Tulag

¹⁰ “Ket ya toley nga mapagtalkan ka e̍teng ngas nga maitalec igina, mapagtalkan met pe̍ no maitalec ya adu igina. Ket ya madi mapagtalkan ka e̍teng ngas nga maitalec igina, madi pe̍ mapagtalkan ka adu.

Lukas 16:10 Iomraidhean Croise

Matyu 24:45

“Kaspagarigan no ya maibilang nga mapagtalkan se̍ nasirib nga tagabu. Ket igina mettas ya pangitalkan niya amu na nga makaemmu kadiya pada na nga tagabu iya baley niya amu na, tasun igina ya mange̍cde̍ ka kanen niya tunggal isa igida kada kustu nga uras na.

Matyu 25:21

“Ket to amu na, kinunen na igina, ‘Mayat met! Nabaru se̍ mapagtalkan ka nga tagabu. Ket gapu ta napagtalkan ka kadiyan nga e̍teng nga banbanag, pagtalkan naka ka adu nga banbanagin. Makitipun ka iyaken nin nga amum, idi nga paganggemmac,’ kunen na.

Matyu 25:23

“Ket to amu na, kinunen na igina, ‘Mayat met! Nabaru se̍ mapagtalkan ka nga tagabu. Ket gapu ta napagtalkan ka kadidi nga e̍teng nga banbanag, pagtalkan naka ka adu nga banbanagin. Makitipun ka iyaken nin nga amum, idi nga paganggemmac,’ kunen na.

Lukas 19:17

“Ket kinunen nito ari igina, ‘Mayat met! Nabaru ka nga tagabu. Ket gapu ta mapagtalkan ka kadiyan nga e̍teng ngas nga banbanag, pagturayen naka ka sangapulu nga ili,’ kunen na.

Juan 12:6

Ngem ya kinagi na nga yan, bekken nga gapu ta isakit na nga tutu diya napanglaw, no di lugud gapu ta isa nga agtatakew. Ket igina met ya agik-ikem iya kuwarta da itun, ket nagkuskusit met itun iya uwed ito laclakassa nga pupunduwan da.

Juan 13:2

Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Juan 13:27

Ket apaman nga naikam-ut ne̍ Hudas to tinapay, naglugan met igina nge̍ Satanas. Ket kinunen ne̍ Je̍sus e̍ Hudas, “Kan! Gawaam yan nga wangel mu!” kunen na.

He̍briyu 3:2

Nisaad ngarud ne̍ Apu Diyus nge̍ Je̍sus nga agpaay iyan nga wangel na. Ket e̍ Je̍sus, nagtungpal ngarud nga pe̍yeng e̍ Apu Diyus, nga agten mettas ito panagtungpal nito Muyse̍s e̍ Apu Diyus ito panagsirsirbi na kadito toley nga naiyarig nga pamilya ne̍ Apu Diyus.