Lukas 16:1 - Ya Baru nga Tulag

¹ Ket nagkagi pe̍ nge̍ Je̍sus kadito adalan na, nga kinunen na, “Uwed isa nga bacnang nga uwed pagay-aywanen na kadiya sansanicwa na. Ket ya napasamac, naibaga ito bacnang, nga busbusen kanu nito agay-aywan diya naitalec igina.

Lukas 16:1 Iomraidhean Croise

Matyu 20:8

“Ket ito siclep pin, kinunen nito makin-kaubasan iya katalec na, ‘Palbe̍tem dito mangmangged. Ket tangdanam da, nga ponaem dito nodi nga inumbe̍t, agingga nga di pekkem natangdanan dito nona nga inumbe̍t,’ kunen na.

Lukas 12:42

Ket kinunen niya Apu, “No nagan kuma ya maibilang nga mapagtalkan se̍ nasirib nga mangsingen iya baley niya amu na, ket igina mettas ya pangitalkan niya amu na nga makaemmu kadiya pada na nga agsirsirbi iya baley niya amu na, tasun igina ya mangbingay ka kanen niya tunggal isa igida kada kustu nga uras na.

Lukas 15:13

Ket ito di nabayag, nilaku met nito inaudi ya amin nga bingay na, se̍ pimanawin. Nitarey na amin nga naglakuwan na, nga nawe̍ ka deyyu nga pagiliyan. Ket binusbus na met antuni ya amin nga kuwarta na ka kinadarusudus nga panagbiyag.

Lukas 15:30

Ngem ita, apaman nga sinumpuc ya anac mu nga iyan nga nangbusbus met kadito sansanicwam gapu was kadiya huste̍s, ket nipartiyam mettin ka urbun baka nga pinalucmeg mu!’ kunen na.

Lukas 16:19

Ket kinunen manin ne̍ Je̍sus, “Uwed isa nga bacnang itun nga pe̍yeng nga nakakawwes ka agkakangina nga luput nga biyule̍ta se̍ line̍n. Se̍ inalgew nga mangan, ket sinanam-ay nga agten met iya agpunsiyunin.

Lukas 16:2

Dikad pe̍ pinalbe̍t ngarud nito bacnang to pagay-aywanen na, ket kinunen na igina, ‘Ape̍ nga uwed nadamag ku maipanggep ikew? Ala! Ipasingem iyaken nin diya listaan dito amin nga nitalec ku nga sansanicwac ikew, ta di naka met pagaywanen nin,’ kunen na.

Lukas 19:20

“Ket simangu met manin ya sabali nga tagabu, nga kinunen na, ‘Apu, uwed idi to kuwartam. Binungun ku nga nitalipen ka pangyu,

Lukas 8:3

Se̍ uwed pe̍ nge̍ Huwana nga asawa ne̍ Tiyusa nga katalec ne̍ Ari He̍rude̍s, se̍ e̍ Susana, se̍ adu pekkem diya duduma nga babey nga nangistimar kade̍ Je̍sus. Nipaay da ngarud diya bukud da nga sansanicwa nga nitulung da kade̍ Je̍sus.

Titu 1:7

Ta masapul nga awan pakaumsiyan niya agay-aywan iya bungguy mamati, ata igina mettas ya natalec iya wangel ne̍ Apu Diyus. Itu nga madi mabalin no natangsit winno nalaka nga makaunget, se̍ madi pe̍ mabalin no age̍ng-e̍nglew, winno nauyung, winno naagum ka kuwarta.

Santiyagu 4:3

Ket orey no agadeng kayu e̍ Apu Diyus, madi kayu met mae̍cdan, ta dake̍c ya panggep nu, nga adngen nu was diya makaay-ayu dakayu.

1 Pe̍dru 4:10

Ket sigun iya kabucbukudan nu nga pannakabalin nga nae̍cde̍ iya tunggal isa dakayu, usaren nu kuma iya panagsirbi nu kadiya kapada nu, tasun mayat ya panangusar nu kadiya nadumaduma nga ne̍cde̍ ne̍ Apu Diyus.