Lukas 15:7 - Ya Baru nga Tulag

⁷ “Ket pudnu nga agten pe̍ iyan ka langit. Ta no uwed isa nga toley nga managbasul nga agbabawi, dacdackel pekkem ya anggem diya nailangitan gapu iyan nga toley, orey no is-isa ngas, ngem iya panaganggem da gapu kadiya siyam nga pulu ket siyam nga nalinteg nga toley nga madi kanu makasapul ka panagbabawi.”

Lukas 15:7 Iomraidhean Croise

Matyu 18:13

Ket no masmac nan, tutu met nga dacdackel pekkem ya ragsac na gapu iyan nga nasmac na nga karne̍ru, ngem iya ragsac na kadito siyam nga pulu ket siyam nga madi naiyaw-awan.

Matyu 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu.

Lukas 15:10

“Ket pudnu met nga agten pe̍ iyan ya anggem diya anghe̍le̍s ne̍ Apu Diyus gapu iya orey isa ngas nga managbasul nga agbabawi,” kunen na.

Lukas 15:29

Ngem kinunen na iya ama na, ‘Singem kad met, ta piga nga dagunin nga nagsirsirbi yac ikew, ket awan pekkem nibilin mu iyaken nga madi yac tinungpal. Ngem iyaken, awan met pekkem ne̍cde̍m iyaken tasun agraragsac kami diya gagayyem ku, orey no urbun ngas kuma kalding.

Lukas 15:32

Ngem ita, di met aya rumbeng no agragsac tida se̍ agyaman? Ta ya adim nga idi, nibilang tida nga natey yin, ngem uwed mettas nga sibibiyag. Napukaw dactida itun, ngem nasmac mettasin,’ kunen na.”

Lukas 15:6

Ket no sumpuc iya baley na, awisen na met diya gagayyem se̍ karruba na, ket kunen na igida, ‘Makipagragsac kayu kuma iyaken nin, ta nasmac ku mettas to napukaw nga karne̍ruc kun,’ kunen na.

Lukas 15:8

“Kaspagarigan pe̍ no uwed isa nga babey nga uwed kuwarta na nga sangapulu nga diplata. Ket no mawagac na ya isa, nagan ngarud ya wanglen na? Manibet ngarud ka dilag, ket sagadan na ya baley na nga sipapasnec nga mangsapsapul agingga nga masmac na.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Lukas 5:32

Ket agten nac met iyan, ta ya numbe̍tac, bekken met nga tasun awisec diya nalinteg nga toley, no di lugud diya managbasul, tasun agbabawi da,” kunen na.

Ruma 7:9

Ket ito panagbiyag ku itun, madi yac pekkem naemmuwan maipanggep iya linteg. Ngem ito naemmuwac kun to bilin, arig nga dimake̍c iyaken dito sigud nga basbasul ku.