Lukas 15:24 - Ya Baru nga Tulag

²⁴ Ta nibilang ku itun nga natey ya anac ku nga idi nin, ngem uwed mettas nga sibibiyag. Napukaw itun, ngem nasmac mettasin,’ kunen na. Ket rinugiyan da ngarud ya nagraragsac.

Lukas 15:24 Iomraidhean Croise

Matyu 8:22

Ngem kinunen ne̍ Je̍sus, “Suruten nac lugudin, ta biyang met diya maiyarig ka natey ya makaemmu kadiya minatey da,” kunen na met.

Markus 8:22

Ket nakadateng de̍ Je̍sus ka Be̍tsayda itun. Ket uwed da toley antuni nga nangipen iya edyan ne̍ Je̍sus ka isa nga lalaki nga kulap. Nipacpakaasi da ngarud nga icman kuma ne̍ Je̍sus.

Lukas 10:19

Tutu met nga ne̍cdan nakayun ka pannakabalin, tasun mabalin nu ya manggudel kadiya malaga se̍ gagamat, nga madi kayu maan-anu, se̍ tasun mangabac kayu iya amin nga pannakabalin nito mangkuntra dactida, ket awan ngarud pakaan-anuwan nu.

Lukas 15:23

Se̍ kayu mawe̍ alac to napalucmeg nga urbun baka, ket partiyen nu, ta sidaen tida nga agraragsac.

Lukas 15:25

“Ngem to inauna nga anac, uwed itun iya laplapug da. Ket ito agawirin, nga umad-adenni iya baley dan, nakagicna met ka uni diya matukar, ket arig nga uwed agsasallip.

Lukas 15:32

Ngem ita, di met aya rumbeng no agragsac tida se̍ agyaman? Ta ya adim nga idi, nibilang tida nga natey yin, ngem uwed mettas nga sibibiyag. Napukaw dactida itun, ngem nasmac mettasin,’ kunen na.”

Lukas 15:4

“No uwed kuma sangagasut nga karne̍ru niya isa dakayu, se̍ napukaw ya isa, nagan ngata ya wanglen niyan nga toley? Di na ngarud panawan diya siyam nga pulu ket siyam nga karne̍ru iya pagar-araban da, se̍ na mawe̍ sapsapulen ya napukaw agingga nga masmac na? Ket tutu met!

Lukas 19:10

Tutu met yan, ta ya Anac nga Naipatoley, inumbe̍t met tasun sapulen se̍ isalakan na diya napukaw,” kunen na.

Lukas 9:60

Ngem kinunen ne̍ Je̍sus igina, “Biyang met diya maiyarig nga natey ya makaemmu kadiya minatey da. Ngem no ikew, mawe̍ ka lugud ikasaba ya panangituray ne̍ Apu Diyus,” kunen na met.

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 5:21

Ta no ya Ama, pagungaren na diya natey ket biyagen na da met. Ket agten met pe̍ ya Anac, ta mange̍cde̍ pe̍ ka biyag kadiya gabay na nga e̍cdan.

Ruma 11:15

Ta emmu tida nga gapu ta binaybay-an ne̍ Apu Diyus diya Hudyu win, uwed gundaway diya duduma nga toltoley iya lubung nga maitunus e̍ Apu Diyusin. Dikad pe̍ no mamati kuma diya Hudyu ita, nabarbaru ngarud pekkem ya pagbanagan niya pannakaannamung da ita, gapu ta itu met ya gundaway da nga agbiyag manin orey natey dan.

Ruma 12:15

Makipaganggem kayu kuma kadiya naanggem, se̍ makipagricna kayu kuma kadiya agladladingit.

Ruma 6:11

Ket masapul nga agten kayu pe̍ iyan no maipanggep ka basul, ta ibilang nu pe̍ yin nga natey kayun no maipanggep ka basul. Ngem no maipanggep e̍ Apu Diyus nga gennung, ibilang nu nga sibibiyag kayun nga agpaay igina, gapu iya pannakairaman nu e̍ Kristu Je̍sus.

Ruma 6:13

Ket madi kayu pe̍ nga ipalubusin nga paiturayan ka basul, ya orey nagan na nga parte̍ niya beggi nu, tasun madi da kuma mausar ka dake̍c nga banbanag, no di lugud ipaay nu ngas ya beggi nu e̍ Apu Diyus. Ipaay nu ngarud igina ya amin nga parte̍ niya beggi nu, tasun mausar kuma ngin kadiya nalinteg nga banbanag. Ta sibibiyag kayu met nga toley nga naibilang nga natey itun nga arig nga napagungarin.

Ruma 8:2

Ta ya turay niya paglinteggan niya Ispiritu nga mangipaay ka biyag, itu met ya nangwayawaya dactidan iya pagturayan niya basul se̍ patey, gapu iya pannakairaman tida iya kasasaad ne̍ Kristu Je̍sus.

1 Kurintu 12:26

Ket no maparigatan ya isa nga parte̍, mairaman pe̍ diya duduma iya panagrigat na. Ket no maibilang nga nadayaw ya isa nga parte̍, mairaman pe̍ diya duduma iya pakaanggemman na.

E̍pe̍su 2:1

Ket dakayu, naibilang kayu itun nga natey yin iya imatang ne̍ Apu Diyus gapu iya kinadake̍c nu se̍ diya basbasul nu.

E̍pe̍su 2:5

Ta ito sibabasul tida pekkem nga naibilang nga natey yin iya imatang na, niraman nactida ito nangbiyag na e̍ Kristu ito pinagungar na. Ngarud, ya siaayat nga asi ne̍ Apu Diyus ngas met ya nakaisalakanan tida.

E̍pe̍su 5:14

Itu ya kayat nga kagiyen nito pagkakagi nga kunen na, “Malukag kan, ikew nga docyep! Agungar kan iya pakatayam! Ket iya agten iyan, e̍ Kristu met ya mangwada ikew win,” kunen na.

Kulusas 2:13

Ket dakayu itun, naibilang kayu nga arig ngas nga isa nga natey iya imatang ne̍ Apu Diyus. Ta naisina kayu igina gapu ito panagbasbasul nu, se̍ gapu met pe̍ ta bekken nakayu nga toley nga nakugit itun. Ngem itan, orey dakayu mettas, pinagbiyag nakayun, nga ibilang nakayu itan nga kabulun ne̍ Kristu nga napaungar itun, ta pinakawan ne̍ Apu Diyus amin diya basbasul tidan.

1 Timutyu 5:6

Ngem ya balu nga ya pagragsakan niya beggi na ngas nga gennung ya biyangan na, maiyarig ngas iya natey yin. Ta orey sibibiyag pekkem, awan sirbi niya biyag nan.

Hudas 1:12

Ket dito agten iyan nga toley iya edyan nu, arig da nga mansa dakayu, ta igida ya mangsipar iya panagiinnayat nu kadiya panagsasangu nu nga mangan. Ta pulus nga awan alyew da nga makisangu dakayu iya panangipalagip nu iya Apu, ket yan nas beggi da ya asikasuwen da. Maiyarig da met ka ulep nga maib-ibluut nga di makae̍cde̍ ka udan. Ket arig da met pe̍ nga kayu nga madi mamisic, orey timpu nga panagbibisic. Ngarud, awan pulus nabaru nga ipaay da, nga arig nga kayu nga natey se̍ nabagut pe̍ yin.

Paltiing 3:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka Sardis: “Itu yan ya kunen niya natalec kadiya pitu nga ispiritu niya agkapitu nga Ispiritu ne̍ Apu Diyus, se̍ ya natalec pe̍ kadiya pitu nga bitbituwen: Emmuc met diya wangwangel mu. Se̍ emmuc pe̍ nga agdindinamag nga paiturayan ka kanu iya biyag nga e̍cde̍ ne̍ Apu Diyus. Ngem ya kinapudnu na, naibilang ka nga natey yin!