Lukas 15:22 - Ya Baru nga Tulag

²² “Ngem to ama na, nagbilin ngarud kadiya tagabu na nga kinunen na, ‘Gawaan nu nga e̍lbe̍t ya kapaw-isan nga sutana, ta ikawwes nu igina! Pasingsingan se̍ sapatusan nu pe̍ yin!

Lukas 15:22 Iomraidhean Croise

Lukas 15:21

“Ket kinunen nito anac, ‘Ama, nakabasul lac ngarud e̍ Apu Diyus se̍ ikew. Madi yac maikari nga maibilang nga isa nga anac mun,’ kunen na.

Lukas 15:23

Se̍ kayu mawe̍ alac to napalucmeg nga urbun baka, ket partiyen nu, ta sidaen tida nga agraragsac.

Ruma 13:14

Ngem ya wanglen nu kuma nga gennung, ipada nu ngas ya ugali nu iya ugali ne̍ Apu Je̍su Kristu. Ket madi kayu palubusanin ya panangtungpal nu kadiya dake̍c nga tarigagay niya kinatoley nu.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

Ruma 8:15

Ta ito naipaayan kayu iya Ispiritu ne̍ Apu Diyus, bekken nakayu nga pinagbalin nga tagabu manin. Ansing met ya pagbanagan nu no agten iyan. Ngem ito naipaayan kayu iya Ispiritu ne̍ Apu Diyus, pinagbalin nakayu lugud nga anac ne̍ Apu Diyusin. Itu nga makaawag tida e̍ Apu Diyus nga makunen tida nga, “Ama! Amac!”

Galasiya 3:27

Ta dakayu nga nabautisaranin gapu iya pannakitipun nu e̍ Kristu, nipada nu ya gangey nu iya gangey ne̍ Kristu win.

E̍pe̍su 6:15

Ket ya maiyarig ka sapatus nu, itu ya pe̍yeng nu nga sisasagana nga mangipakaemmu iya Makaparagsac nga Damag nga mange̍cde̍ ka talna.

Paltiing 19:8

Ket nae̍cdan ka ikawwes na nga nadalus se̍ puraw nga luput nga line̍n,” kunen da. Ket ya luput nga line̍n, itu ya pakaiyarigan niya kinalinteg diya toley ne̍ Apu Diyus.

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”

Paltiing 3:18

Itu nga ipatigmaan ku ikew, nga iyaken kuma ya pagnginaam mun ka balituc nga nadalusan gapu iya pannakailasat na ka apuy, tasun bumacnang ka nga tutu. Se̍ ngumina ka kuma pe̍ iyaken ka puraw nga luput nga pagkawwes mu, tasun madi masingen ya nakal-alyew nga kinalamulamum. Ket ngumina ka kuma pe̍ iyaken ka agas mata nga iyagas mu iya matam, tasun makasingen ka.

Paltiing 6:11

Ket itun, ya tumunggal isa igida, nae̍cdan da ka puraw nga sutana. Ket naibaga igida nga agton da kanu pekkem mas ka e̍teng, nga sitatalna da kuma, agingga ka madatngan to naikeddeng nga bilang diya pada da nga agsirsirbi nga kakabsat nga mapatey nga agten mettas ito pannakapatey da itun.

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.