Lukas 14:32 - Ya Baru nga Tulag

³² Ket no mailasin na nga madi na nga kabaellan nga kagubat, mangibon ngarud ka mawe̍ sumabet iya umbe̍t nga ari no deyyu pekkem, tasun emmuwen na no kumaan ngata niya panagtunus da.

Lukas 14:32 Iomraidhean Croise

Matyu 5:25

“Ket no uwed mangidarum ikew, sigida ka kuma ngarud nga makikinnaawatan igina, bayat niya kauwed nu pekkem iya dalan nga mawe̍ iya pangukuman, tasun madi naka kuma isangu iya kuis. Ta kaynun no iyawat naka ya kuis iya pulisiya, ket maibalud ka.

Matyu 5:42

Ket no uwed kuma agpakaasi nga agadeng ikew, e̍cdam ngarud. Se̍ no uwed mayat nga tumkew ikew, patkawam ngarud.”

Lukas 12:58

Ta kaspagarigan no uwed mangidarum ikew, se̍ manmanalan kayu nga mawe̍ iya pangukumanin. Di ngarud nabaru no arimanem amin nga kabaellam tasun agtunus kayu kuma no uwed kayu pekkem iya dalan, tasun madi naka kuma isangu iya kuis? Ta kaynun no iyawat naka ya kuis iya pulisiya, ket ya pulisiya, ibalud naka.

Lukas 14:31

“Kaspagarigan manin no ya isa nga ari, nga uwed sangapulu nga ribu nga suldadu na. Ket no mawe̍ na kuma sabten nga gubaten ya sabali nga ari nga uwed met duwa nga pulu nga ribu nga suldadu na nga umbe̍t mangraut ito isa nga ari, di na ngarud panunuten pekkem nga mona no kabaellan na nga kagubat to umbe̍t nga ari?

Lukas 14:33

“Ket iya agten iyan, maawatan nu kuma nga awan makapagbalin nga pasurut ku, malacsid no panawan na diya amin nga sansanicwa na.”

Lukas 19:14

“Ket nawe̍ ngarud to mabigbig nga toley ito deyyu nga nasyun. Ngem gapu ta ginura diya kailiyan na, nangibon da met kadiya sumarunu nga mawe̍ ito napennan na. Ket nagkagi da ito nangisaad igina, nga kinunen da, ‘Madi kami gabay nga agari yan nga toley dakami,’ kunen da.

Aramid 12:20

Ket ya napasamac itun, ket uwed pakaungtan ne̍ Ari He̍rude̍s kadiya umili ka Tiru se̍ Sidun. Dikad pe̍ uwed da nibon dito iTiru se̍ iSidun nga nawe̍ makitbar e̍ Ari He̍rude̍s. Ket dake̍c igida no uwed iyunget ne̍ Ari He̍rude̍s igida, ta diya il-ili nga iturayan ne̍ He̍rude̍s, itu ya pagal-alkan da kadiya kanen da. Dikad pe̍ pinona dito naibon ya nakigayyem e̍ Blastu nga itu ya isa nga pangulu iya baley ne̍ Ari He̍rude̍s, se̍ da sangkabungguy nga nawe̍ nakitunus e̍ Ari He̍rude̍s.