Lukas 14:3 - Ya Baru nga Tulag

³ Itu nga sinaludsud ne̍ Je̍sus kadito mamasirib iya Linteg, se̍ kadito Parisiyu nga kinunen na, “Nagan kad ya ipalubus niya Linteg tida? Mabalin kad ya mangpalaing ka agsakit iya Algew Ngilin, winno bekken?” kunen na.

Lukas 14:3 Iomraidhean Croise

Matyu 12:10

Ket enna gigimungan, uwed met isa nga lalaki nga nacpe̍t ya ima na. Ket uwed da met pe̍ antuni diya mayat nga mangidarum e̍ Je̍sus, ket nagsapsapul da ka ipabasul da kuma igina. Itu nga nagsaludsud da igina nga kinunen da, “Sigun iya Linteg tida, maipalubus kad ya mangpalaing no Algew Ngilin?” kunen da.

Matyu 12:2

Ket ito nadlaw diya duduma kadito Parisiyu, kinunen da e̍ Je̍sus, “Singem! Wangwanglen met diya adalan mu ya maiparit iya Linteg tida iya Algew Ngilin,” kunen da.

Matyu 22:35

Ket uwed igida ya isa nga masirib iya Linteg nito Muyse̍s, nga nagsaludsud ngarud e̍ Je̍sus tasun sintiren na, nga kinunen na,

Markus 3:4

Ket kinunen na kadito agsicsiim, “Nagan kad ya maipalubus iya Linteg tida nga wanglen tida kuma iya Algew Ngilin? Ya panagwangel ka nabaru, winno ka dake̍c? Ya panangisalakan ka biyag, winno ya pumatey?” kunen na. Ngem madi da met negkim.

Lukas 14:2

Ket itun, uwed iya sangu ne̍ Je̍sus ya isa nga lalaki nga inumbal.

Lukas 14:4

Ngem madi da met negkim. Ket iya agten iyan, inicman ne̍ Je̍sus to inumbal nga lalaki, nga pinalaing na ngarud, se̍ na pinagawirin.

Lukas 6:9

Ket itun, kinunen ne̍ Je̍sus kadito agsicsiim, “Saludsudec man dakayu: Nagan kad ya maipalubus iya Linteg tida nga wanglen tida kuma iya Algew Ngilin? Ya panagwangel ka nabaru, winno ka dake̍c? Ya panangisalakan ka biyag, winno ya pumatey?” kunen na.

Juan 7:23

Ket ya kunec, no ipalubus nu nga makugit diya ebbing nga lalaki iya Algew Ngilin tasun madi kayu kuma kuntraen to Linteg nito Muyse̍s, ape̍ ngarud nga makaunget kayu iyaken gapu ta Algew Ngilin ya panangpalaing ku iya sibubukel nga beggi niya isa nga toley nga uwed dipe̍re̍nsiya na?