Lukas 14:26 - Ya Baru nga Tulag

²⁶ “Ya mayat nga makitipun iyaken tasun agbalin nga pasurut ku, madi met mabalin, malacsid no ipangpangruna na nga mona ya ayat na iyaken ngem iya ayat na iya ama na, se̍ iya ina na, iya asawa na, se̍ kadiya anac na, kadiya kakabsat na, se̍ orey iya mismu nga beggi na mettas.

Lukas 14:26 Iomraidhean Croise

Matyu 10:37

“Ket ya toley nga napatpateg igina ya ama winno ina na ngem iyaken, bekken nga maikari nga maibilang nga toley ku. Se̍ agten pe̍ no ipatpateg niya isa nga toley ya anac na nga lalaki winno babey ngem iyaken, bekken met nga maikari nga maibilang nga toley ku.

Lukas 14:20

“Ket uwed manin sabali nga nagkunen nga, ‘Kaas-asawac met, itu nga madi yac makalbe̍t,’ kunen na.

Lukas 14:25

Ket ito nituluy ne̍ Je̍sus to ipeppen na, pudnu ya kaadu diya toley nga mibulubulun igina. Ket nagbaliwag nga nangsangu igida, nga kinunen na,

Juan 12:25

Ket agten met pe̍ iyan ya toley yin, ta no ya biyag na idi nga lubung ya ipatpateg na, mapukaw nad mettas igina ya kaipapennan niya biyag na. Ngem no madi na ibilang nga napateg ya biyag na idi nga lubung, madi nga gennung nga mapukaw igina ya kaipapennan niya biyag na, ta agbiyag met ka agnanayun.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Ruma 9:13

Agten pe̍ iyan manin ya naisurat iya Bibliya, nga kunen na, “E̍ Hakub ya inannamungac nga ayaten. Ngem e̍ E̍saw, madic met inannamungan,” kunen na.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.