Lukas 14:23 - Ya Baru nga Tulag

²³ “Ket iya agten iyan, kinunen manin nito amu ito tagabu na, ‘Mawe̍ ka iya ruwar niya ili yin kadiya daldalan se̍ kadiya pacpakarsu, ket pilitem ngarud diya toley nga umbe̍t, tasun mapnu kuma ya baley ku wi.

Lukas 14:23 Iomraidhean Croise

Matyu 21:43

Itu nga ibagac dakayu nga maipac nad met ya kalinteggan nu nga agpaituray e̍ Apu Diyus, ket mae̍cde̍ nad ka sabali nga toltoley nga mangariman nga gennung kadiya tumutup idi nga kalinteggan.

Matyu 5:41

Agten pe̍ no uwed kuma mangpilit ikew nga agitulud ka kanu para igina ka isa nga kilume̍tru, ket itulud mu lugud ka duwa nga kilume̍tru.

Lukas 14:22

“Ket iya di nabayag, uwed manin to tagabu, ket kinunen na, ‘Apu, natungpalin to bilin mu, ngem uwed pekkem mas pagyanan iya panganan,’ kunen na.

Lukas 14:24

Ta dito nona nga inawis ku nga madi inumbe̍t, pudnu met nga awan pulus igida ya makaraman iya nisaganac,’ kunen na.” Itu yanin to pangngarig ne̍ Je̍sus.

Lukas 24:29

Ngem pinilit da nga kinunen da igina, “Ageppaw ka idi nin, ta gidamin, ket gumicbet pe̍ yin,” kunen da. Dikad nawe̍ ngarud nge̍ Je̍sus nga makidagus igida.

Aramid 16:15

Ket itun, nabautisaran de̍ Lidya nga amin nga sangabaley. Ket kalpasan na, inawis nakami ka baley da, nga kinunen na, “No mapnec kayu nga tutu nga mamati yac kun iya Apu, ya baley mi kuma ya pagedyanan nun,” kunen na dakami. Dikad pe̍ nawe̍ kamin, ta nipapilit na dakami.

Aramid 18:6

Ngem dito Hudyu, kinuntra da met dito nikaskasaba na, se̍ nagkagkagiyan da pe̍ ka dake̍c. Itu nga sinapuc met ne̍ Pablu ya dapag iya lupluput na, nga itu ya panangipakaemmu na kadito Hudyu nga madi makibiyang igidan, se̍ kinunen na igida, “Dakayu diya makaemmu iya pannakaukum nu nad mettin! Bekken ku nga basul, ta madi kayu gabay ya ikasabac dakayu. Ket manipud ita, mawe̍ yac lugud mangaskasaba kadiya bekken nga Hudyu win,” kunen na.

Aramid 28:28

“Itu nga gabay ku pe̍ nga ipakaemmu dakayu nga naipadamag pe̍ yin kadiya bekken nga Hudyu ya panangisalakan ne̍ Apu Diyus. Ket no igida, ipangag da met,” kunen ne̍ Pablu.

Aramid 9:15

Ngem kinunen niya Apu igina, “Mawe̍ ka lugudin, ta igina ya pinilic nga mangipakaemmu nad maipanggep iya kinaturay ku kadiya bekken nga Hudyu se̍ kadiya ar-ari da se̍ dakayu pe̍ nga Israe̍lita.

Ruma 10:18

Kaynun no pagarupen nu nga madi pekkem nadamag dito toltoley to damag. Ngem ya kinapudnu na, ket nadamag da mettin, ta agten met iya kunen na iya Bibliya nga, “Nagwaras ya panangipadamag da iya amin nga lubung, ket gapu iya nipakaemmu da, nakadamagin diya toley iya amin nga lubung,” kunen na.

2 Kurintu 5:11

Dikad gapu ta emmu mi ya mansing iya Apu, aw-awisen mi ngarud diya toley, tasun agtungpal da kuma pe̍ yin igina. Ket e̍ Apu Diyus, emmu na met ya kinapudnu diya pangpanggep mi, ket namnamaec nga emmu nu pe̍ yin diya napudnu nga pangpanggep mi.

2 Kurintu 5:20

Ngarud, dakamin ya ebbon ne̍ Kristu nga mangibegbeggi igina kadiya toley yin. Ket gapu dakami, awisen ne̍ Apu Diyus diya toltoley. Itu nga gapu ito winangel ne̍ Kristu win, aw-awisen dakayu nga awaten nu kuma ngarudin ya e̍cde̍ ne̍ Apu Diyus nga pakaitunusan nu igina.

2 Kurintu 6:1

Ket gapu ta kabulun nakami nge̍ Apu Diyus idi nga wangel mi, ibilin mi pe̍ nga sipapasnec dakayu nga bekken nu kuma nga iyaleng-aleng ya siaayat nga asi ne̍ Apu Diyus dactida, tasun madi kuma masayang.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 1:28

Ket e̍ Kristu met ya ikaskasaba mi. Ibagbaga mi ngarud nga sipapasnec kadiya amin nga toley nga sumurut da kuma, ket se̍ suruwan mi met pe̍ diya amin nga toley sigun iya amin nga kinasirib mi nga mangipalawag. Ta gabay mi no awan kuma pagkurangan diya orey nagan na nga toley iya pannakitipun da e̍ Kristu.

2 Timutyu 4:2

Ket ya ibilin ku ikew, agten idi: Ipakaemmum nga pe̍yeng ya kagi ne̍ Apu Diyus orey no uwed pakarigatam. Mamagbaga ka nga ipalawag mu kadiya toley diya pagkurangan da. Mangilbec se̍ mamatigmaan ka. Ket iya panangtungpal mu kadiyan, siaanus ka kuma nga pe̍yeng iya panangisurum igida.