Lukas 14:21 - Ya Baru nga Tulag

²¹ “Ket to tagabu, nagawir ngarudin, se̍ nibaga na amin didi iya amu na nga nangisagana ito panggidam. Ket ito nagicna nito amu na, nakaunget ngarud, ket nagbilin manin ito tagabu na, nga kinunen na, ‘Alistuwam ya mawe̍ kadiya kalkalsada se̍ daldalan iya ili yin, ket e̍lbe̍t mu idi diya napanglaw, diya pukul, diya kulap se̍ diya piley,’ kunen na.

Lukas 14:21 Iomraidhean Croise

Matyu 11:28

“Ket dakayu nga agrigrigat se̍ madagdagsennan, umbe̍t kayu kuma ngas iyaken, ta iyaken ya mange̍cde̍ ka pagtalnaan nu.

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 15:12

Ket dito adalan ne̍ Je̍sus, imadenni da ngarud igina itun, ket kinunen da, “Napasakitan met dito Parisiyu ito kinagim,” kunen da.

Matyu 18:31

Ket dito duduma nga eb-ebbonen, ito nasingen da to napasamac, nalucsew dan. Ket nawe̍ da ngarud nipadamag ito ari nga amu da amin dito napasamac.

Matyu 20:7

“Ket kinunen da igina, ‘Awan met ngamin mangpategged dakami,’ kunen da. “Ket to makin-kuwa ito kaubasan, kinunen na ngarud igida, ‘Ala, mawe̍ kayu pe̍ agwangel enna kaubasac,’ kunen na.

Lukas 14:13

Ngem no uwed iyawis mu nga pangparagsac, awisem lugud diya napanglaw, se̍ diya pukul, se̍ diya piley se̍ diya kulap.

Lukas 14:20

“Ket uwed manin sabali nga nagkunen nga, ‘Kaas-asawac met, itu nga madi yac makalbe̍t,’ kunen na.

Lukas 14:22

“Ket iya di nabayag, uwed manin to tagabu, ket kinunen na, ‘Apu, natungpalin to bilin mu, ngem uwed pekkem mas pagyanan iya panganan,’ kunen na.

Lukas 14:24

Ta dito nona nga inawis ku nga madi inumbe̍t, pudnu met nga awan pulus igida ya makaraman iya nisaganac,’ kunen na.” Itu yanin to pangngarig ne̍ Je̍sus.

Lukas 24:47

Ket kunen na pe̍ iya Bibliya nga masapul nga gapu iya turay ne̍ Kristu, maikasaba ya damag maipanggep iya panagbabawi, se̍ iya pannakapakawan diya basbasul. Ngarud, mona nga maikasaba idi nga He̍rusale̍m, se̍ maiwaras pe̍ kadiya amin nga pagpagiliyan iya lubung.

Lukas 9:10

Ket ito simoli yin dito apustule̍s nga gayat ito nakaibonan da, nipadamag da ngarud e̍ Je̍sus dito winangwangel da. Ket kalpasan na, nibulun na da, nga ig-igida ya nawe̍ ka Be̍tsayda.

Juan 9:39

Ket kinunen ne̍ Je̍sus, “Inumbe̍t tac idi nga lubung, nga manglinteg kadiya toltoley, tasun makasingen kuma diya maiyarig ka kulap, se̍ tasun diya agkunen nga makasingen da, igida nga gennung ya agbalin nga arig nga kulapin,” kunen na.

He̍briyu 13:17

Nalagon kayu kuma kadiya mangipangulu dakayu nga mamati, ket agtungpal kayu ngarud kadiya kagkagiyen da dakayu. Igida met ya natalec nga mangay-aywan dakayu, ta uwed nad met sungbatan da e̍ Apu Diyus maipanggep dakayu. Agtungpal kayu ngarud igida tasun madi nu kuma parigaten da iya wangel da, no di lugud paanggemmen nu da. Ta awan mamaay na dakayu no mapasakitan da iya panagsirbi da.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

Paltiing 19:15

Ket to maawagan ka Kagi ne̍ Apu Diyus, uwed met natadem nga ispada nga rumwar iya musung na, nga itu met ya pangabac na kadiya nasnasyun. Ket iturayan na da nad ngarud ka nabaked nga turay nga agten iya kinabaked niya sacgukud nga landuc. Ta ipasingen na igida ya bileg niya unget ne̍ Apu Diyus nga Mannakabalin ka amin, nga arig nga pe̍se̍ten na da nad ka dackel nga pagpespessan.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.