Lukas 14:13 - Ya Baru nga Tulag

¹³ Ngem no uwed iyawis mu nga pangparagsac, awisem lugud diya napanglaw, se̍ diya pukul, se̍ diya piley se̍ diya kulap.

Lukas 14:13 Iomraidhean Croise

Matyu 15:30

Ket adu nga unay diya toltoley nga nawe̍ iya edyan na, nga nitarey da diya lugpi, diya piley, diya kulap, diya umel se̍ adu pekkem nga duduma nga nipen da iya sangu ne̍ Je̍sus, ket pinalaing na da.

Matyu 22:10

“Ket nawe̍ ngarud dito tagabu kadito daldalan, ket inawis da amin nga naaskuran da nga toltoley, dake̍c man winno nanacman. Ket iya agten iyan, adu met dito sangsangaili iya panganan ito pakalun.

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 14:12

Ket kalpasan nito panagpangngarig ne̍ Je̍sus, kinunen na pe̍ ito Parisiyu nga nangawis igina, “No agariman ka kuma ka pangparagsac mu iya panaguudma winno pananggidam, bekken kuma nga diya gagayyem mu diya awisem, winno diya kakabsat mu, winno diya kakabagiyam, winno diya babacnang nga karrubam. Ta no igida ya awisem, mabalin daka nad met nga supapakan nga awisen.

Lukas 14:14

Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

Lukas 14:21

“Ket to tagabu, nagawir ngarudin, se̍ nibaga na amin didi iya amu na nga nangisagana ito panggidam. Ket ito nagicna nito amu na, nakaunget ngarud, ket nagbilin manin ito tagabu na, nga kinunen na, ‘Alistuwam ya mawe̍ kadiya kalkalsada se̍ daldalan iya ili yin, ket e̍lbe̍t mu idi diya napanglaw, diya pukul, diya kulap se̍ diya piley,’ kunen na.

Aramid 9:39

Itu nga nibulun nge̍ Pe̍dru igida nga nawe̍ ka Huppa ngin. Ket ito dimateng dan, nilnec da ito min-ngudu nga kuwartu. Ket diya balu nga babey iyan, imadenni da e̍ Pe̍dru win, ket nagbeberrit da nga nagipasingen kadito badbadu se̍ duduma nga lupluput nga dage̍t nito Durkas ito sibibiyag pekkem.

1 Timutyu 3:2

Ta ya isa nga agay-aywan iya bungguy mamati, masapul ngarud nga awan pakaumsiyan na, se̍ masapul nga isa ngas ya asawa na. Masapul nga agtimbeng se̍ nanakem nga toley, se̍ masapul nga isa nga raemmen diya kapada na. Masapul pe̍ nga isa nga nalaing nga mangsangaili, se̍ masapul nga nalaing nga mangisuru.

1 Timutyu 5:10

Ket masapul pe̍ nga uwed maemmuwan diya toltoley nga wangwanglen da nga nabaru, agten iya panangpadackel kadiya anac da ka nabaru nga sursuru, se̍ ya managsangaili, se̍ ya managistimar kadiya pada da nga mamati, se̍ ya managkaasi kadiya kackaasi. Ngarud, diya balu nga ilista nu, yan nas agisnup kadiya amin nga nabaru nga kabaellan da nga wanglen.

Titu 1:8

Bekken kuma ngarud nga agten iyan. Ta ya panglakayen, masapul nga isa nga nalaing nga mangsangaili, se̍ mangipateg kadiya nabaru nga banbanag. Se̍ masapul pe̍ nga nanakem se̍ nalinteg ya panglakayen. Masapul pe̍ nga isa nga napasnec iya panamati na e̍ Apu Diyus, se̍ mangtimbeng iya beggi na.

Pilimun 1:7

Laglagipen naka ngarud, ta naparagsakac se̍ napabileg gac, kabsat, gapu iya pannakaemmuc iya panagayat mu kadiya padam nga mamati, ta mangpabileg ka kanu pe̍ yin kadiya nakem diya toley ne̍ Apu Diyus.

He̍briyu 13:2

Ket madi nu liwayan ya rebbeng nu iya panagsangaili nu kadiya orey di nu nga em-emmu nga toley. Agten iyan kuma ngarud ya wanglen nu, ta uwed da nagpadagus itun, nga madi da nailasin nga anghe̍le̍s met diya sinangaili da.