Lukas 13:3 - Ya Baru nga Tulag

³ Ngem bekken met! Ta ya kinapudnu na, ket no madi kayu pe̍ agbabawi kadiya basbasul nu, mapukaw kayu nad pe̍ nga amin nga agten mettas igida.

Lukas 13:3 Iomraidhean Croise

Matyu 12:45

Itu nga mawe̍ to sairu nga mangibulun ka pitu nga kabulun na nga sairu nga dacdake̍c pekkem ngem igina, ket mawe̍ da ngarud met aglugan ito toley, nga igina ya pagedyanan dan. Ket iya agten iyan, agbanag nga dacdake̍c manin ya kasasaad niyan nga toley yin ngem ito nona nga kasasaad na. Ket agten nad ngarud pe̍ iyan ya kasasaad diya dake̍c nga toltoley ita nga timpu,” kunen na.

Matyu 22:7

“Ket to ari, nakaunget ngarudin. Itu nga nibon na diya suldadu na, nga nawe̍ da pinatey dito namatey, se̍ pinooran da met pe̍ to ili da.

Matyu 3:2

nga kinunen na, “Masapul nga agbabawi kayu kadiya basbasul nu, ta dandani yin ya panangituray niya Nailangitan,” kunen na.

Lukas 13:2

Ket e̍ Je̍sus, kinunen na ngarud igida, “Kaynun no pagarupen nu nga agten iyan nga rigat ya napasamac kaditun nga iGalilya gapu ta ad-adu diya basul da ngem kadiya duduma nga iGalilya.

Lukas 13:4

“Agten pe̍ kadito natey nga sangapulu ket walu nga nagaboran ito natuwang to nangudu nga naipatdec ka Siluwe̍. Nagan ya ipagarup nu igida? Pagarupen nu kadi nga ad-adu diya basul da ngem kadiya duduma nga taga-He̍rusale̍m?

Lukas 13:5

Bekken met! Ket pudnu met nga no madi kayu pe̍ agbabawi kadiya basbasul nu, mapukaw kayu nad pe̍ nga amin nga agten mettas igida.”

Lukas 24:47

Ket kunen na pe̍ iya Bibliya nga masapul nga gapu iya turay ne̍ Kristu, maikasaba ya damag maipanggep iya panagbabawi, se̍ iya pannakapakawan diya basbasul. Ngarud, mona nga maikasaba idi nga He̍rusale̍m, se̍ maiwaras pe̍ kadiya amin nga pagpagiliyan iya lubung.

Aramid 3:19

Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu.