Lukas 13:26 - Ya Baru nga Tulag

²⁶ “Ket iya agten iyan, kunen nu nad manin igina, ‘Kinasangsangu da ka met nga nangnangan se̍ nagin-inum itun, se̍ nangisuru ka met pe̍ enna ili mi,’ kunen nu nad met.

Lukas 13:26 Iomraidhean Croise

Lukas 13:27

“Ngem kunen nad manin niya akin-baley, ‘Kunec ngarud nga di nakayu met em-emmu no taga-awac kayu! Umadeyyu kayu iyaken, dakayu nga managdacdake̍c!’ kunen na nad met.

Lukas 3:8

Diya wangwangel nga tumutup iya napudnu nga panagbabawi kuma lugud ya ipasingen nu iya panagbiyag nu. Ket di nu met kunkunen iya lemlemmet nu nga, ‘Orey a, ta e̍ Abraham met to am-ama mi.’ Bay-an nu ngarud ya agten iyan nga panpanunut. Ta ya kinapudnu na, orey didi ngas nga batu, mabalin met pe̍ nga pagbalinen ne̍ Apu Diyus nga an-anac nito Abraham, no gabay na.

2 Timutyu 3:5

Uwed nad tungtungpalen da nga maigapu kanu iya pammati da, ngem busid met, ata madi da gabay ya masuruwan kadiya banbanag niya kustu nga panamati e̍ Apu Diyus. Adeyyuwam ngarud diya agten kadiyan nga toley.

Titu 1:16

Em-emmu da kanu nge̍ Apu Diyus, ngem masingen tida iya wangwanglen da nga baybay-an da met. Makapaaryec ngarud diyan, se̍ managsukir da met pe̍. Itu nga awan mawangel dan nga maibilang nga nabaru.