Lukas 13:24 - Ya Baru nga Tulag

²⁴ Ket kinunen ne̍ Je̍sus kadito aggigicna, “No diya toley nga maisalakan, ket maiyarig da iya umuneg ka ruwangan nga nailet. Ket dakayu, ikagumaan nu kuma ngarud ya umuneg iyan nga ruwangan. Ta ya kinapudnu na, adu nad diya mayat nga umuneg, ngem madi da nad met mabalinan.

Lukas 13:24 Iomraidhean Croise

Matyu 11:12

Ket nanipud ito nagparang nito Juan nga Mammautisar agingga ita mettas, sumilse̍let diya naagawa nga toley, tasun ipilit da ya pannakalak-am kuma niya beggi da iya panangituray niya Nailangitan.

Lukas 13:23

Ket uwed nagsaludsud igina nga kinunen na, “Apu, manmanu kadi diya toley nga maisalakan?” kunen na.

Lukas 21:36

Itu nga sisasagana kayu kuma ngarud nga pe̍yeng, se̍ agkararag kayu nga agadeng ka bileg nu, tasun malasat nu amin didi nga umbe̍t nga pakarigatan, se̍ tasun sitatalged kayu nga makisangu nad iya Anac nga Naipatoley,” kunen na.

Juan 13:33

“An-anac ku, e̍teng ngas nga urasin ya kauwed ku dakayun. Ket agten ito nibagac itun kadito pangpangulu nga Hudyu, itu pe̍ ya ibagac dakayu ita, nga sapsapulen dac nad, ngem madi kayu makapen iya kapennac.

Juan 5:4

Ta pasaray kanu sumegged ya isa nga anghe̍l niya Apu ito pagdigusan, ket arinewnewwan na ya danum. Ket ya mona nga pumisuc iya danum kalpasan niya pannakaarinewnew na, malaingan kanu met ya orey nagan na nga dipe̍re̍nsiya na.]

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 7:34

Sapsapulen dac nad ngem di dac nad masmac kin, ta madi kayu makapen iya pagedyanac,” kunen na.

Juan 8:21

Ket iya agten iyan, kinunen manin ne̍ Je̍sus igida, “Pumanaw wac nad mettin, ket sapulen dac, ngem matey kayu was nad nga maukum gapu kadiya basbasul nu. Madi dac ngarud masmac, ta madi kayu met makapen iya kapennac,” kunen na.

Ruma 10:3

Ta madi da maawatan maipanggep iya panangpalinteg ne̍ Apu Diyus ka toley, ket pinadas da nga palinteggen diya beggi da gapu kadiya wanglen da. Itu nga di da pinaiturayan iya panangibilang kuma ne̍ Apu Diyus igida nga nalinteg iya imatang na.

Kulusas 1:29

Dikad pe̍ gapu iyan nga panggep ku, agbannug gac ngarud, ta ipakat ku ya amin nga bileg nga uwed iyaken gapu iya pannakabalin na nga mangpabileg iyaken.

He̍briyu 4:11

Dikad pe̍ ikagumaan tida ngarud ya makipaglak-am iyan nga pagtalnaan nga nisagana ne̍ Apu Diyus para dactida. Ikagumaan tida ngarud, tasun awan kuma madi makalak-am iya pagtalnaan na, gapu iya panangkuntra na e̍ Apu Diyus, nga agten mettas kadito sikukuntra nga toley itun pekkem nga madi nakalak-am iyan nga pagtalnaan.

2 Pe̍dru 1:10

Itu nga kakabsat, sipapasnec kayu kuma ngarud nga mangpatalged iya pannakapili se̍ pannakaisaad nu. Ket no agten iyan ya wanglen nu, awan ngarud pakairraduwan nu iya imatang ne̍ Apu Diyusin.