Lukas 13:19 - Ya Baru nga Tulag

¹⁹ Ya panangituray ne̍ Apu Diyus, maiyarig iya isa nga tekkut nga bukel niya kayu nga mustasa, nga nimula niya isa nga toley iya minuyungan na. Ket timubu to tekkut nga bukel, se̍ dimackel agingga nga nagbalin nga dackel nga kayu win, ket nagsucbutan met diya sibud diya sangsanga nan,” kunen na.

Lukas 13:19 Iomraidhean Croise

Matyu 17:20

Ket kinunen na igida, “Gapu ta nakapsut ngas ya panamati nu. Pudnu met nga no uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga tageytey nga kunen nu, ‘Agalis ka manipud idi nga mawe̍ ka ituni,’ kunen nu kuma, ket agalis met. Ket iya agten iyan, awan met pulus nga madi nu mabalinan.

Markus 4:30

Ket kinunen manin ne̍ Je̍sus, “No nagan ya mabalin tida nga pangiyarigan iya panangituray ne̍ Apu Diyus, winno nagan na kuma ya pangngarig nga mayat nga pangilawlawag tida idi, ket agten idi:

Lukas 17:6

Ket kinunen niya Apu, “No uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga dackel nga kayu nga sikumuru nga kunen nu, ‘Bagsutem ya beggim, ket imulam mettas iya baybayin,’ kunen nu, ket agtungpal met dakayu,” kunen na.

Aramid 2:41

Ket dito namati kadito kinagi ne̍ Pe̍dru, nagpabautisar da ngarud. Ket itun mettas nga algew, uwed sumaggatlu nga ribu nga naidga iya bungguy dito sigud nga mamati e̍ Je̍sus itun.

Aramid 21:20

Ket ito nagicna de̍ Santiyagu yan, nagdaydayaw da ngarud e̍ Apu Diyus. Ket kinunen da e̍ Pablu, “Emmum kabsat, nga rinibribu ya bilang diya Hudyu nga mamati e̍ Je̍sus itan. Ket amin da, managtungpal da nga sipapasnec iya Linteg tida nga Hudyu.

Aramid 4:4

Ket dito naggigicna kadito kinagkagi de̍ Pe̍dru nge̍ Juan enna Te̍mplu, adu latta igida ya namati iya naisuru nga maipanggep e̍ Je̍sus. Dikad pe̍ pasar lima nga ribu mettin to dagup dito lalaki nga namati yin.

Ruma 15:19

Se̍ nangawis ku pe̍ diya pagilasinan se̍ nakaskasdaaw nga naariman ku gapu iya pannakabalin niya Ispiritu ne̍ Apu Diyus. Ket itan, natungpal kun ya panagpaspasyar ku nga nangipakaemmu iya Makaparagsac nga Damag maipanggep e̍ Kristu, manipud ka He̍rusale̍m agingga ka Iliriku.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.