Lukas 12:59 - Ya Baru nga Tulag

⁵⁹ Ket no agten iyan, pulus nad nga madi ka makaruwar iyanin, agingga nga di ka mabayadan ya amin nga nikeddeng da. Ket awan pe̍ asi da ikew, orey no isa ngas nga siping,” kunen na.

Lukas 12:59 Iomraidhean Croise

Matyu 18:34

Ket nakaunget ngarudin to amu na, itu nga niyawat na mettin kadito makaemmu kadiya balbalud, tasun parigaten da kuma agingga ka di makabayad iya amin nga utang na.

Matyu 25:41

“Ket kalpasan niyan, kunen nad niya Ari kadiya uwed iya makatigid na, ‘Dakayu, umadeyyu kayu iyaken nin, dakayu nga nailunud nga toley! Mawe̍ kayu was ito agnanayun nga pagapuyan nga naisagana itun para iya diyablu se̍ dito eb-ebbonen na.

Matyu 25:46

Ket iya agten iyan, pumanaw nad diyan nga toley nga mawe̍ da iya agnanayun nga pakadusaan da. Ngem diya napalinteg nga toley, mawe̍ da nga gennung iya agnanayun nga pakabiyagan da,” kunen ne̍ Je̍sus.

Matyu 5:26

Ket no agten iyan, pulus nga di ka nad makaruwar iyanin, agingga nga di ka mabayadan ya amin nga nikeddeng da. Ket awan asi da ikew, orey no isa ngas nga sintabu.”

Markus 12:42

Ket uwed met itun isa nga balu nga babey nga napanglaw nga imadenni pe̍ iyan. Nawe̍ nangipisuc to babey ka duwa ngas nga be̍be̍teng nga diplata nga agpateg ngas ka siping.

Lukas 16:26

Se̍ bekken nas nga iyan, ta uwed met nagbaettan tida nga nawaya, tasun diya toley idi nga mayat nga mawe̍ kuma iyan, madi da met makalasat. Ket diya uwed iyan, madi da met pe̍ makalasat nga umbe̍t idi nga edyan mi,’ kunen na.

2 Te̍salunika 1:3

Kakabsat, nabaru no pe̍yeng kami nga agyaman e̍ Apu Diyus gapu dakayu. Kustu yan, ta bumilbileg nga unayin ya panamati nu. Ket bumilbileg pe̍ yin ya panagiinnayat nu iya isa ken isa dakayu.