Lukas 12:57 - Ya Baru nga Tulag

⁵⁷ “Ape̍? Di ngarud rumbeng no panunuten nu nga mona ya kustu nga mawangel nu kuma?

Lukas 12:57 Iomraidhean Croise

Matyu 21:21

Ket kinunen ne̍ Je̍sus igida, “Kinapudnu na, no sipapati kayu nga awan panagduwaduwa nu, mabalin nga arimanen nu pe̍ ya agten idi nga inariman ku iya kayu nga igus si. Se̍ bekken nas nga iyan, no di lugud mabalin nu pe̍ nga bilinen yani nga tageytey, nga kunen nu, ‘Maiyalis ka nga maipisuc iya baybayin,’ kunen nu kuma, ket maariman met nga tutu.

Matyu 21:32

Ta ito inumbe̍t to Juan nga Mammautisar nga nangisuru dakayu iya nalinteg nga ugali, ket madi kayu met pinati. Ngem dito agsingsingir ka buis se̍ dito huste̍s, pinati da met nga gennung to Juan. Ket orey nasingen nu itun nga namati didi, madi kayu met latta nagbabawi se̍ namati.”

Lukas 21:30

Ta no masingen nun nga sumagicsic dan, emmu nun nga dandani yin ya timpu pudut.

Juan 7:24

Bay-an nu ngarudin ya mangpabasul gapu was iya masingen nu. Emmuwen nu kuma lugud nga mona ya pudnu nga kaipapennan na, se̍ kayu mangeddeng,” kunen na.

Aramid 2:40

Ket nabayag pekkem nge̍ Pe̍dru nga nagpalpalawag nga sipapasnec igida, ket binagbagaan na da nga kinunen na, “Adu diya nakillu nga toley ita nga timpu. Ilisi nu kuma ngarud diya begbeggi nu iya pannakairaman iya pannakadusa da,” kunen na.

1 Kurintu 11:13

Ket dakayu mettas kuma ya mangikeddeng ngin: Tumutup aya winno bekken, ya madi agkayodung ya babey no agkararag e̍ Apu Diyus iya pagaaduwan?

1 Kurintu 11:14

Ket sigun pe̍ iya sigud tida nga gangey, ket emmu nu met nga pakaiyal-alyewwan ngarud niya lalaki no deddu ya ebbuc na.