Lukas 12:37 - Ya Baru nga Tulag37 Ket maragsakan ngarud met diya tagabu, no madatngan niya amu da nga silulukag da. Ta pudnu met nga no agten iyan ya madatngan niya amu da, igina nga gennung ya agkawwes ka luput nga para wangel lin, nga arig nga tagabu, ket patugawen na diya tagabu na iya panganan. Ket igina mettasin ya agsirbi igidan. Faic an caibideil |
Ket sigun iya kunen diya toley, nagan na kanu ya maibilang nga nangatngatu: Ya sumangu nga maidasaran, winno ya agidasar nga agsirsirbi? Di ngarud ya sumangu nga maidasaran ya maibilang nga nangatngatu? Ket tutu met! Ngem no iyaken nga gennung, uwed dac met dakayu nga arig nga agsirsirbi dakayu,” kunen na.
Ket nagicnac manin itun ya isa nga timec nga gayat ka langit, nga kinunen na iyaken, “Isurat mu yani: Nagasat diya matey no naikameng da iya Apu, manipud ita nga timpu,” kunen na. “Pudnu met,” kunen niya Ispiritu ne̍ Apu Diyus, “Nagasat da ngarud, ta itu ya pagkarinawaan da iya bannug da, ta magun-gunaan da met kadito nabaru nga wangwangel da,” kunen na.
Ket laglagipen tida kuma ya kunen niya Apu: “Umbe̍t tac nad ngarud nga arig nga umbe̍t niya isa nga mannanakew! Nagasat nad met diya sisasagana, nga arig nga toley nga sipupuyat, se̍ naisagana pe̍ ya lupluput na, tasun madi nad aguuba. Ta no aguuba, malyew nad ngarud iya imatang diya toltoley,” kunen na.