Lukas 12:32 - Ya Baru nga Tulag

³² “Dakayu nga tekkut nga bungguy ku, madi kayu kuma mansing. Ta ya Ama nu, magustuwan nakayu met pe̍ nga pagturayen iya pagiturayan na.

Lukas 12:32 Iomraidhean Croise

Matyu 14:27

Ngem sigida nga nagkagi nge̍ Je̍sus igida, nga kinunen na, “Madi kayu mansing, ta iyaken met! Madi kayu madanaganin,” kunen na.

Matyu 20:16

Ket kinunen pe̍ ne̍ Je̍sus, “Agten pe̍ iyan nga pangngarig ya panangituray niya Nailangitan. Ta diya maibilang ita nga nababa, ket maibilang da nad nga nadayawin. Ket diya maibilang ita nga nadayaw, ket maibilang da nad nga nababa ngin,” kunen na.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 7:15

“Agannad kayu ngarud, ta uwed da met busid nga mangikaskasaba kanu ka kagi ne̍ Apu Diyus, nga makapagparang dakayu nga arig nga karne̍ru nga nanacman. Ngem ya kinapudnu na, agten da met iya atap nga asu nga nauyung.

Lukas 10:21

Iyan mettas nga kanitu, pinagragsac met niya Ispiritu Santu nge̍ Je̍sus. Ket kinunen ne̍ Je̍sus nga sikakararag, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na. Agten iyan ngarud ya wagas mu, Ama, ta itu met ya gabay mu,” kunen na.

Juan 18:36

Ket kinunen ne̍ Je̍sus, “Ya panangituray ku, bekken nga tumaud idi nga lubung. Ta no iya lubung ngi kuma ya pagtaudan na, makigubat ngarud diya pasurut ku tasun bekken nac nga maiyawat kadiya pangpangulu diya Hudyu. Ngem bekken met nga iya lubung ngi ya pagtaudan niya panangituray ku,” kunen na.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

Aramid 20:29

Emmuc nga nad no awan nac kun, uwed da umbe̍t dakayu nga arig nga atap nga asu nga nauyung, ta gabay da nga pirdiyen ya panamati diya toley niya bungguy ne̍ Apu Diyus.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

1 Kurintu 1:21

Ket sigun iya sirib ne̍ Apu Diyus, nirimidyu na nga dactida nga toley, madi tida kabaellan ya mangemmu igina gapu ngas iya kinasirib tida. Ket iya agten iyan, nikeddeng ngarud ne̍ Apu Diyus nga isalakan na nga gennung diya amin nga mamati iya isursuru mi, nga itu met pe̍ ya panursuru nga kunen diya duduma nga awan kanu kaipapennan na.

Pilipus 2:13

Agten iyan kuma ngarud, ta uwed tumulung dakayu, nga itu nge̍ Apu Diyus mettas, tasun maemmuwan nu ya tarigagay na, se̍ tasun mawangel nu diya makaay-ayu igina.

2 Te̍salunika 1:11

Ket itu nga ikarkararagan dakayu ngarud nga pe̍yeng, tasun pagbalinen nakayu kuma nge̍ Apu Diyus nga maikari iya nisagana na nga saad nga ne̍cde̍ na dakayu. Ket ikararag mi pe̍ nga gapu iya pannakabalin na, tulungan nakayu kuma kadiya amin nga nabaru nga pamaay nu se̍ diya gabay nu nga wanglen maigapu iya panamati nu.

2 Te̍salunika 1:5

Ket ya panagitured nu kadiya rigrigat nu, itu yan ya mangipakaemmu nga kustu ya pananglinteg ne̍ Apu Diyus. Ket iya agten iyan, maisagana kayu nga maikari iya panangituray ne̍ Apu Diyus. Ket ya panangituray na, itu mettas ya gapu niya pakaparparigatan nun.

He̍briyu 12:28

Dikad pe̍ agyaman tida kuma ngarud e̍ Apu Diyusin, ta nibilang nactida nga makipagtagikuwa iya nabaked nga pagturayan na nga pulus nga madi mayegyeg winno mapukaw. Itu nga agyaman tida kuma ngarud nga siaayat e̍ Apu Diyusin, se̍ agdaydayaw tida pe̍ igina ka panagdayaw nga makaay-ayu igina, nga situtuluc se̍ sitatanang tida kuma.

Santiyagu 2:5

Tandaanan nu yani, patpatgec nga kakabsat: Diya ibilang diya toley nga napanglaw, itu met diyan diya pinili ne̍ Apu Diyus nga pangipaayan ka nabaked nga panamati, nga arig nga nabacnang da ka panamati da. Ket napili da pe̍ nga makipagtawid iya pannakairaman da kadiya iturayan ne̍ Apu Diyus, nga itu ya nikari na kadiya agayat igina.

2 Pe̍dru 1:11

Ket iya agten iyan, adu diya napateg nga maipaay dakayu iya pannakairaman nu nad iya agnanayun nga pagiturayan ne̍ Je̍su Kristu nga Apu tida se̍ Mangisalakan dactida.

Paltiing 1:6

Pinagbalin nactida nga naturay nga bungguy, nga agsirsirbi iya Diyus se̍ Ama na. Madaydayaw se̍ agturay kuma ngarud nge̍ Je̍su Kristu ka agnanayun nga awan patingga na! Agten iyan kuma.

Paltiing 22:5

Awan ngarud gabi antuni nin, itu nga madi da nad masapul ya darang niya dilag winno ya sinagin. Ta e̍ Apu Diyus mettas ya mangwada nad igidan. Ket agbiyag da nad nga arig nga ari yin nga agturay ka agnanayun nga awan patingga na.